தனி விமானம் மூலம் நாடு திரும்பிய இந்தியர்கள்

புதுடெல்லி: புதுவகை கொரோனா கிருமித்தொற்றால் அதிகம் பாதிக்கப்பட்ட சீனாவின் ஹுபெய் மாநிலம், வூஹான் நகரில் இருந்து இந்தியர்கள் 324 பேர் தனி விமானம் மூலமாக நேற்றுக் காலை 7.30 மணியளவில் டெல்லி இந்திரா காந்தி அனைத்துலக விமான நிலையத்தைச் சென்றடைந்தனர். அங்கு அவர்கள் அனைவரும் தேவையான மருத்துவப் பரிசோதனைகளுக்கு உட்படுத்தப்பட்டனர்.

அந்த ‘ஏர் இந்தியா ஜம்போ பி747’ விமானத்தில் வந்தவர்களில் 211 பேர் மாணவர்கள், 110 பேர் வூஹானில் வேலை செய்பவர்கள், சிறார் மூவர் எனத் தெரிவிக்கப்பட்டது.

டெல்லி ராம் மனோகர் லோகியா மருத்துவமனையைச் சேர்ந்த மருத்துவர்கள் ஐவர் அந்தச் சிறப்பு விமானத்தில் சீனா சென்று திரும்பினர்.

வூஹானில் இருந்து திரும்பிய 324 பேரும் நலமுடன் இருப்பதாக இந்திய சுகாதார அமைச்சு தெரிவித்தது. மருத்துவ முகாம்களில் அவர்களுக்கு மருத்துவப் பரிசோதனைகள் நடந்து வருவதாகவும் அமைச்சு குறிப்பிட்டது.

அவர்களில் 224 பேர் மனேசரில் உள்ள இந்திய ராணுவத்தின் தனிமைப்படுத்தப்படும் முகாமிற்கும் எஞ்சிய 104 பேரும் இந்திய-திபெத்திய எல்லை போலிஸ் படையின் சாவ்லா முகாமிற்கும் கொண்டு செல்லப்பட்டதாகத் தெரிவிக்கப்பட்டது.

முன்னதாக, உடல் வெப்பநிலை அதிகமாக இருந்த காரணத்தால் இந்தியர்கள் அறுவரை விமானத்தில் ஏற சீன அதிகாரிகள் அனுமதிக்கவில்லை என்றும் அவர்கள் வூஹானிலேயே தடுத்து வைக்கப்பட்டனர் என்றும் சக பயணி ஒருவர் கூறியதாக ‘ஏஎன்ஐ’ செய்தி வெளியிட்டுள்ளது.

இதனிடையே, இந்திய நேரப்படி நேற்று பிற்பகல் 12.50 மணிக்கு இரண்டாவது விமானம் வூஹானுக்குப் புறப்பட்டுச் சென்றது.

முதல் விமானத்தில் பயணம் செய்த அதே மருத்துவர்களே இரண்டாவது விமானத்திலும் சென்றனர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!