முதியோர் மரணம் அதிகம்

புது­டெல்லி: இந்­தி­யா­வில் கொரோனா கிரு­மித்­தொற்­றுக்­குப் பலி­யா­னோ­ரில் பெரும்­பா­லா­னோர் சராசரியாக 60 வய­துக்­கும் மேற்­பட்­ட­வர்­கள் என்று ஓர் ஆய்வு தெரி­விக்­கிறது.

மேலும், மாண்­டோ­ரில் பல­ருக்­கும் நீரி­ழிவு, உயர் ரத்த அழுத்­தம் ஆகிய உடல்­ந­லப் பிரச்­சி­னை­கள் இருந்­த­தா­க­வும் இவ்­வா­ரம் திங்­கட்­கி­ழமை நில­வ­ரத்­தின் அடிப்­ப­டை­யில் பல்­வேறு மாநி­லங்­களில் டைம்ஸ் ஆஃப் இந்­தியா செய்தி நிறு­வ­னம் நடத்­திய ஆய்­வில் குறிப்­பி­டப்­பட்டு உள்­ளது.

அன்­றைய நில­வ­ரப்­படி இந்­தி­யா­வில் கிரு­மித்­தொற்­றால் பாதிக்­கப்­பட்­டோர் எண்­ணிக்கை 4,097 ஆக­வும் உயி­ரி­ழந்­தோர் எண்­ணிக்கை 109 ஆக­வும் இருந்­தன. அவர்­களில் 1,911 பேர் 40 வய­துக்கு உட்­பட்ட இளை­யர்­கள் என்­ற­போ­தி­லும் அந்த வய­தி­ன­ரில் மாண்­டோர் எண்­ணிக்கை 8 மட்­டுமே. இதன் விகி­தம் 0.4%.

அதே நேரம் 60 வய­துக்­கு மேற்­பட்ட 773 பேருக்­குக் கிருமி தொற்­றி­ய­தில் உயி­ரி­ழந்த முதி­யோ­ரின் எண்­ணிக்கை 69 ஆக இருந்­தது. இந்த மரண விகி­தம் 8.9%. ஆக இது­வரை இந்­தி­யா­வில் கொரோ­னா­வுக்கு பலி­யா­னோ­ரில் இந்த விகி­தமே அதி­கம்.

மேலும், உயி­ரி­ழந்­தோ­ரில் 86 பேருக்கு கிரு­மித்­தொற்று தவிர வேறு பல உடல்­ந­லப் பிரச்­சி­னை­களும் இருந்­தன. அவர்­களில் 56 விழுக்­காட்­டி­ன­ருக்கு நீரி­ழி­வும் 47 விழுக்­காட்­டி­ன­ருக்கு உயர் ரத்த அழுத்­த­மும் இருந்­த­தாக டைம்ஸ் ஆஃப் இந்­தி­யா­வின் தக­வல் தெரி­விக்­கிறது.

இந்­தி­யா­வின் இந்த உயி­ரி­ழப்பு நில­வ­ரம் இதர நாடு­க­ளோடு மாறு­பட்டு உள்­ளது. உதா­ர­ண­மாக, சீனா­வில் கொரோனா கிரு­மி­யால் உயி­ரி­ழந்த பல­ருக்­கும் இத­யக் கோளா­று­களும் நுரை­யீ­ரல் பிரச்­சி­னை­களும் இருந்­தன.

அறி­விக்­கப்­பட்ட புள்­ளி­வி­வ­ரங்­க­ளின்­படி இது­வரை கிரு­மித்­தொற்­றால் பாதிக்­கப்­பட்­ட­வர்­களில் ஆண்­களே அதி­கம். 76 விழுக்­காட்­டி­னர் ஆண்­கள், 24 விழுக்­காட்­டி­னர் மட்­டுமே பெண்­கள். அதே­போல இறந்­த­வர்­க­ளி­லும் 73 விழுக்­காட்­டி­னர் ஆண்­கள், 27 விழுக்­காட்­டி­னர் பெண்­கள்.