சென்னையில் பெண்களைவிட ஆண்களே அதிகம் பாதிப்பு

சென்­னை­யில் பெண்­களை விட ஆண்­களே அதிக அளவு கொரோனா கிருமியால் பாதிக்­கப்­பட்­டுள்­ள­தாக ஊடகத் தகவல்கள் தெரி­வித்­துள்­ளன.

மாந­க­ராட்சி வெளி­யிட்­டுள்ள புள்ளிவிவ­ரங்­கள்படி, "சென்­னை­யில் இது­வரை 205 பேருக்கு கொரோனா உறுதி செய்­யப்­பட்­டி­ருப்­ப­தா­க­வும் அவர்­களில் ராய­பு­ரம் மண்­ட­லத்­தில் அதி­க­மாக 63 பேர் பாதிக்கப்பட்டுள்ளனர்.

"கொரோனா பாதித்­தோ­ரில் ஆண்­கள் 68.78% என்­றும் பெண்­கள் 31.22% என்­றும் அதில் தெரி­விக்­கப்­பட்­டுள்­ளது.

"கொரோ­னா­வால் 30 முதல் 39 வயது வரை­யி­லான 44 பேரும் 50 முதல் 59 வயது வரை­யி­லான 39 பேரும் 60 முதல் 69 வயது வரை­யி­லான 21 பேரும் 70 முதல் 79 வயது வரை­யி­லான 13 பேரும் பாதிக்­கப்­பட்­டுள்­ள­னர்," என்று குறிப்­பி­டப்­பட்­டுள்­ளது.

மத்­திய சுகா­தார அமைச்­சக புள்ளி விவ­ரங்­க­ளின்­படி, கொரானா வால் நாடு முழு­வ­தும் கடந்த 24 மணி நேரத்­தில் 1,076 பேர் பாதிக்­கப்­பட்­டுள்­ள­னர். இவர்­க­ளை­யும் சேர்த்து நாட்­டில் கொரோனா கிரு­மி­யால் பாதிக்­கப்­பட்­டோ­ரின் எண்­ணிக்கை 11,439 ஆக அதி­க­ரித்­துள்­ளது. இவர்­களில் 77 பேர் வெளி­நாட்­டி­னர்.

மருத்­துவ சிகிச்­சை­யில் இது­வரை கொரோ­னா­வில் இருந்து 1,306 பேர் குண­ம­டைந்­துள்­ள­தா­க­வும் மேலும் 9,756 பேர் சிகிச்சை பெற்று வரு­வ­தா­க­வும் அந்­தப் புள்ளி விவ­ரங்­கள் தெரி­வித்­துள்­ளன.

கொரோனா அதி­கம் பாதித்த மாநி­லங்­க­ளின் பட்­டி­ய­லில், மராட்­டி­யம் முத­லி­டத்­தி­லும் டெல்லி 2 ஆம் இடத்­தி­லும் தமிழ்­நாடு 3 ஆம் இடத்­தி­லும் உள்­ளன.