மாணவர் முரசு
இ-பேப்பர்
புதுடெல்லி: இந்தியாவில் கொரோனா கிருமி வேகமாக பரவி வருகிறது. ஊரடங்கு கட்டுப்பாடுகள் தளர்த்தப்பட்டு பொதுவெளியில் மக்கள் நடமாட்டம் அதிகரித்திருப்பதாலும் பரிசோதனைகளை அதிகரிப்பதாலும் தொற்று உறுதி செய்யப்பட்டவர்களின் எண்ணிக்கை தொடர்ந்து உயர்கிறது.
அதேசமயம் குணமடைந்தவர்களின் எண்ணிக்கை உயர்ந்து வருவது ஆறுதல் அளிப்பதாக உள்ளது.
மத்திய சுகாதாரத் துறை நேற்றுக் காலை வெளியிட்ட தகவலின்படி இந்தியாவில் மொத்தம் 276,583 பேர் கொரோனாவால் பாதிக்கப்பட்டுள்ளனர். கடந்த 24 மணி நேரத்தில் 9,985 பேருக்கு தொற்று உறுதி செய்யப்பட்டுள்ளது. 279 பேர் மரணம் அடைந்தனர். இதன்மூலம் கொரோனா கிருமியால் உயிரிழந்தோர் எண்ணிக்கை 7,745 ஆக உயர்ந்துவிட்டது. உயிரிழப்பு விகிதம் 2.8 விழுக்காடாக உள்ளது.
இம்மாதம் 1 ஆம் தேதி ஊர டங்கு தளர்வுகள் அறிவிக்கபட்ட தில் இருந்து இந்தியாவில் தினமும் கொரோனா பாதிப்பு 9 ஆயிரத்திற்கும் அதிகமாக உள்ளது. கடந்த 9 நாட்களில் அந்த எண்ணிக்கை ஒரு லட்சத்தை நெருங்கியது.
ஊரடங்கை தளர்த்துவது புதிய தொற்று அதிகரித்து இரண்டாம் அலை உருவெடுக்க வழிவகுக் கும் 15 அபாயகரமான நாடுகளின் பட்டியலில் இந்தியாவும் உள்ளது.
ஊரடங்கு தளர்வு கொரோனா பரவும் சூழ்நிலையை உருவாக்கு வதாகவும் பரவல் தீவிரமடைந்து மீண்டும் கடுமையான தடைகளை திணிக்க இது வழிவகுக்கும் என் றும் 'நோமுரா' என்னும் ஆய்வு நிறுவனம் கூறியுள்ளது.