ஒரே குடும்பத்தில் 17 பேருக்கு ‘கொவிட்-19’

புது­டெல்லி: கொரோனா கிருமித்­தொற்­றால் பாதிக்­கப்­பட்ட 17 பேர் கொண்ட குடும்­பம் சுமார் ஒரு ­மாத காலம் போராடி, வெற்றி கண்­டுள்­ளது. வட­மேற்கு டெல்­லி­யில் வசிக்­கும் முகுல் கார்க், வாழ்க்­கை­யின் மகிழ்ச்சி மற்­றும் மோச­மான கால­கட்­டங்­களை தமது குடும்­பம் ஒரு­சேர கடந்து வந்­தி­ருப்­ப­தா­கச் சொல்­கி­றார்.

வட­மேற்கு டெல்­லி­யில் உள்ள மூன்று தளங்­கள் கொண்ட வீட்­டில் 33 வய­தான முகுல் கார்க் மூன்­றா­வது மாடி­யில் தம் மனைவி, இரு குழந்­தை­கள், பெற்­றோர் மற்­றும் பாட்­ட­னா­ரு­டன் வசிக்­கி­றார்.

மீத­முள்ள இரு தளங்­களில் அவ­ரது தந்­தை­யின் உடன்­பி­றந்­தோ­ரும் அவ­ரது குடும்­பத்­தா­ரும் உள்­ள­னர். வீட்­டி­லுள்ள 17 பேரில் பிறந்து 4 மாதங்­களே ஆன பச்சிளம் குழந்தை தொடங்கி முகு­லின் 90 வய­தான பாட்­ட­னார் வரை படுத்த படுக்­கை­யாகிவிட்டனர்.

கடந்த ஏப்­ரல் 24ஆம் தேதி முகு­லின் மாமா­வின் உடல்­ந­லம் பாதிக்­கப்­பட்­டது. அடுத்த 48 மணி நேரத்­தில் மேலும் இரு­வ­ருக்கு காய்ச்­சல் உண்­டா­ன­தும் பத­றிப் போனார் முகுல். அப்­போ­தும் அவர் மருத்­து­வப் பரி­சோ­த­னைக்கு யாரை­யும் அழைத்­துச் செல்­ல­வில்லை.

ஆனால் மே முதல் வாரம் 54 வய­தான அவ­ரது அத்தை மூச்­சு­விட சிர­மப்­ப­டவே, பயந்துபோன முகுல், உட­ன­டி­யாக மருத்­து­வப் பரி­சோ­த­னைக்கு ஏற்­பாடு செய்­தார்.

“அதன் முடி­வில் வீட்­டி­லுள்ள 11 பெரி­ய­வர்­க­ளுக்கு கொவிட்-19 நோய் இருப்­பது உறு­தி­யா­னது. உடனே எல்­லாமே பறி­போ­ன­தா­க­வும் தனி­மை­யா­க­வும் உணர்ந்­தோம். வீட்­டில் இருந்து யாருமே வெளியே போக­வில்லை. வெளி­ந­பர்­கள் யாரும் வீட்­டிற்­குள் வர­வும் இல்லை. பிறகு எப்­படி கிரு­மித்­தொற்று ஏற்­பட்­டது எனக் குழப்­ப­மாக உள்­ளது,” என்­கி­றார் முகுல்.

பின்­னர் 17 பேரும் தனி­மைப்­ப­டுத்­தப்­பட்­ட­னர். நீரி­ழிவு, ரத்­தக்­கொ­திப்பு போன்ற உபா­தை­கள் உள்­ள­வர்­கள் ஒரு தளத்­தி­லும், தீவிர காய்ச்­சல் உள்­ள­வர்­கள் தனி அறை­க­ளி­லும் தங்­கி­யுள்­ள­னர்.

ஒரு­வேளை அனை­வ­ருக்­கும் ஏதா­வது ஆகி­விட்­டால் இறு­திச் சடங்­கிற்­கே­னும் யாரா­வது வரு­வார்­களா? என்று யோசித்­த­தா­கக் குறிப்­பிட்­டுள்ள முகுல், அந்­த­ள­வுக்கு தனிமை வாட்­டி­ய­தா­கச் சொல்­கி­றார்.

“ஒரே இர­வில் எங்­கள் வீடு கொரோனா மைய­மாக மாறிப்­போ­னது. ஊர­டங்­கின் முதல் மாதம் இனி­மை­யா­கக் கழிந்­தது. வீட்­டில் உள்ள 17 பேரும் ஒன்­றாக அமர்ந்து பேசி, விளை­யாடி, உண­வ­ருந்தி பொழு­தைக் கழித்­தோம். ஆனால் மே மாதம் நிலைமை தலை­கீ­ழா­னது. இதை நோய் மாதம் என்றே இனி குறிப்­பி­டு­வோம்,” என்­கி­றார் முகுல்.

இந்­நி­லை­யில் மே இரண்­டாம் வாரம் தொடங்கி ஜூன் 1ஆம் தேதிக்­குள் முகுல் குடும்­பத்­தைச் சேர்ந்த ஒவ்­வொ­ரு­வ­ராக கொவிட்-19 பிடி­யி­லி­ருந்து விடு­பட்­ட­னர். தற்­போது அவ­ரது குடும்­பம் மீண்­டும் நிம்­ம­திப் பாதை­யில் அடி­யெ­டுத்து வைத்­துள்­ளது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!