இந்தியாவில் பத்தாயிரத்தை நெருங்கும் மரண எண்ணிக்கை

புது­டெல்லி: மத்­திய சுகா­தா­ரத்­துறை நேற்­றுக் காலை வெளி­யிட்ட தக­வ­லின்­படி இந்­தி­யா­வில் மொத்­தம் 332,424 பேர் கொரோ­னா­வால் பாதிக்­கப்­பட்­டுள்­ள­னர்.

24 மணி நேரத்­தில் 11,502 பேருக்கு தொற்று உறுதி செய்­யப்­பட்­டுள்­ளது. 325 பேர் மர­ணம் அடைந்­த­னர். இதன்­மூ­லம் கொரோனா கிரு­மி­யால் உயி­ரி­ழந்­தோர் எண்­ணிக்கை 9,520 ஆக உயர்ந்­துள்­ளது. நாளைக்­குள் மரண எண்­ணிக்கை 10,000ஐ தொடக்­கூ­டும் என மருத்­துவ அதி­கா­ரி­கள் கூறி­னர். இது­வரை 169,798 பேர் கொரோனா பாதிப்­பில் இருந்து குண­ம­டைந்­துள்­ள­னர். ஞாயிற்­றுக்­கி­ழமை மட்­டும் 7,419 பேர் குண­ம­டைந்து வீடு திரும்­பி­னர். நாடு முழு­வ­தி­லும் பல்­வேறு மருத்­து­வ­ம­னை­களில் 153,106 பேர் சிகிச்சை பெற்­று­வ­ரு­கின்­ற­னர்.

அதி­க­பட்­ச­மாக மகா­ராஷ்­டி­ரா­வில் 107,958 பேருக்­கும் தமி­ழ­கத்­தில் 44,661 பேருக்­கும் டெல்­லி­யில் 41,182 பேருக்­கும் குஜ­ராத்­தில் 23,544 பேருக்­கும் கொரோனா தொற்று உறுதி செய்­யப்­பட்­டுள்­ளது. ஊர­டங்கு கட்­டுப்­பா­டு­கள் தளர்த்­தப்­பட்டு மக்­கள் நட­மாட்­டம் அதி­க­ரித்­தி­ருப்­ப­தா­லும் பரி­சோ­த­னை­களை அதி­க­ரித்­த­தா­லும் நோயாளிக­ளின் எண்­ணிக்கை உயருகிறது.

இதற்­கி­டையே, அமெ­ரிக்கா முதற்கட்­ட­மாக 100 செயற்கை சுவா­சக் கருவிகளை (வென்­டி­லேட்­டர்) அனுப்பி வைத்து உள்­ளது. சிகாகோ நக­ரில் தயா­ரிக்­கப்­பட்ட இந்த வென்­டி­லேட்­டர்­கள் ஏர் இந்­தியா விமா­னம் மூலம் நேற்று இந்­தி­யா­வுக்­குக் கொண்டு வரப்­பட இருப்­ப­தாக ஊட­கச்செய்­திகள் கூறின. இவை செஞ்­சி­லுவை சங்­கத்­துக்கு எடுத்­துச்­செல்­லப்­பட்டு மருத்­து­வ­மனை நிர்­வா­கி­க­ளி­டம் ஒப்­ப­டைக்­கப்­படும்.