மாணவர் முரசு
இ-பேப்பர்
சென்னை: செம்மொழி தமிழாய்வு மத்திய நிறுவனத்தை பல்கலைக்கழகத்துடன் இணைக்கக் கூடாது என பாமக நிறுவனர் ராமதாஸ் வலியுறுத்தியுள்ளார்.
இதுதொடர்பாக வெளியிட்ட அறிக்கையில், சென்னையில் செயல்பட்டு வரும் செம்மொழி தமிழாய்வு மத்திய நிறுவனம் ஏதேனும் ஒரு பல்கலைக்கழகத்துடன் இணைக்கப்படும் என்று புதிய கல்விக் கொள்கையில் குறிப்பிடப்பட்டிருப்பது அதிர்ச்சி அளிப்பதாகக் குறிப்பிட்டுள்ளார்.
செம்மொழி நிறுவனத்தை மறைமுகமாக மூடுவதற்கான இந்த திட்டம் கண்டிக்கத்தக்கது என்றும் இதற்காக மத்திய அரசு கூறியுள்ள காரணம் மிகவும் விநோதமானது என்றும் அவர் தெரிவித்துள்ளார்.
“மத்திய அரசுத் தரப்பில் கூறப்படும் இந்தக் காரணம் நம்பும்படியாக இல்லை; இதை ஏற்கமுடியாது,” என்று ராமதாஸ் கூறியுள்ளார்.
