புதுடெல்லி: தங்கம் விலை நேற்று ஆறு வாரங்களில் காணப்படாத சரிவைச் சந்தித்தது.
ஐரோப்பாவில் கொரோனா கிருமித்தொற்று மிதமிஞ்சி சென்றுகொண்டிருப்பதும் அமெரிக்க டாலர் வலுவடைந்திருப்பதும் விலை சரிவுக்குச் சொல்லப்படும் காரணங்களில் சில.
உலகச் சந்தையில் தங்கத்தின் விலை நேற்று அவுன்ஸுக்கு $1,873.70 என்று குறைந்தது.
ஆகஸ்ட் 12ஆம் தேதிக்குப் பிந்திய குறைவான விலை இது. சென்னையில் நேற்று தங்கம் விலை பவுனுக்கு ரூ.320 குறைந்தது. ஒரு கிராம் தங்கம் ரூ.4,810க்கும் ஒரு சவரன் தங்கம் ரூ.38,480க்கும் விற்கப்பட்டது.
தொடர்ந்து மூன்று நாட்களில் சவரனுக்கு ரூ.992 குறைந்ததால் பொன் நகை வாங்குவோர் முகத்தில் புன்னகை மலர்ந்தது.