ஹர்ஷ்வர்தன்: வாக்குச்சாவடி அடிப்படையில் பொதுமக்களுக்குத் தடுப்பூசி செலுத்தப்படும்

புது­டெல்லி: நாடு முழு­வ­தும் கொரோனா தடுப்­பூசி போடு­வ­தற்­கான ஒத்­திகை நடை­பெற்ற நிலை­யில் வாக்­குச்­சா­வடி அடிப்­படை­யில் தடுப்­பூசி செலுத்­தப்­படும் என சுகா­தார அமைச்­சர் ஹர்ஷ்­வர்­தன் (படம்) தெரி­வித்­துள்­ளார்.

இது­வரை 96 ஆயி­ரம் பேருக்குத் தடுப்­பூ­சி­கள் செலுத்தி சோதனை செய்­யப்­பட்­டுள்­ள­தாக டெல்­லி­யில் செய்­தி­யா­ளர்­க­ளி­டம் பேசு­கை­யில் அவர் குறிப்­பிட்­டார்.

நாடு முழு­வ­தும் பல்­வேறு மாநி­லங்­களில் உள்ள 719 மாவட்­டங்­களில் கொரோனா தடுப்­பூசி போடும் ஒத்­திகை சனிக்­கி­ழமை நடை­பெற்­றது.

இந்­நி­லை­யில் செய்­தி­யா­ளர்­க­ளி­டம் பேசிய ஹர்ஷ்­வர்­தன், நாட்­டில் முதல்­கட்­ட­மாக 10 மில்­லி­யன் மருத்­து­வப் பணி­யா­ளர்­கள், 20 மில்­லி­யன் முன்­க­ளப் பணி­யா­ளர்­கள் என மொத்­தம் 30 மில்­லி­யன் பேருக்குத் தடுப்­பூசி போடப்­படும் என்­றார்.

இரண்­டாம் கட்­ட­மாக 50 வயதைக் கடந்­த­வர்­கள் உள்­ளிட்ட 270 மில்­லி­யன் முன்­னு­ரிமை பய­னா­ளர்­க­ளுக்கு ஜூலை மாதத்­திற்­குள் தடுப்­பூசி போடப்­படும் என்று அவர் மேலும் தெரி­வித்­தார்.

எவ்­வாறு தடுப்­பூசி போடு­வது என்­பது தொடர்­பில் விரி­வான நடை­மு­றை­கள் பின்­பற்­றப்­ப­டு­வ­தா­க­வும் தடுப்­பூ­சி­கள் தொடர்­பான தவ­றான வழி­காட்­டு­தல்­க­ளை­யும் வதந்­தி­க­ளை­யும் யாரும் நம்­ப­வேண்­டாம் என்­றும் அமைச்­சர் ஹர்ஷ்­வர்­தன் வலி­யு­றுத்­தி­னார்.

தடுப்­பூ­சி­க­ளுக்கு ஒப்­பு­தல் அளிப்­ப­தற்கு முன்பு அவற்­றின் பாது­காப்­புத் தன்மை மற்­றும் தரம் குறித்து தீவி­ர­மாக ஆரா­யப்­பட்­டது என்­றும் இது தொடர்­பான விதிமுறை­களில் மத்­திய அரசு எந்­த­வித சம­ர­ச­மும் செய்­து­கொள்­ளாது என்­றும் அவர் தெரி­வித்­தார்.