ஆந்திராவில் விபத்து: சென்னையைச் சேர்ந்த எட்டுப் பேர் உயிரிழப்பு

நெல்­லூர்: ஆந்­திர மாநி­லம் நெல்­லூர் அருகே நின்­று­கொண்­டி­ருந்த லாரி மீது வேன் மோதி பயங்­கர விபத்து ஏற்­பட்­டது. புஜ்­ஜி­ரெட்­டிப்­பா­ளை­யம் என்ற இடத்­தில் சாலை­யோ­ரம் நின்­றுகொண்­டி­ருந்த லாரி மீது டெம்போ டிரை­லர் வேன் மோதி­யுள்­ளது.

விபத்­தில் சிக்­கி­ய­வர்­கள் கத­றி­ய­தால் சத்­தம்­கேட்டு அக்­கம்­பக்­கத்­தி­னர் விரைந்­து­சென்று மீட்­ட­னர். போலி­சா­ரும் அங்கு விரைந்து சென்று மீட்புப் பணி­யில் ஈடு­பட்­ட­னர். வேன் நொறுங்­கி­ய­தால் உள்ளே சிக்­கி­ய­வர்­களை பெரும் போராட்­டத்­திற்கு பிறகு மீட்­ட­னர்.

பின்­னர் நடத்­திய முதல்­கட்ட விசா­ர­ணை­யில், டெம்போ டிரா­வ­லர் வேனில் சென்ற 15 பேரில் 5 பெண்­கள், 3 ஆண்­கள் உள்­பட 8 பேர் உயி­ரி­ழந்­த­னர். விபத்­தில் படு­கா­யம் அடைந்த 7 பேருக்கு நெல்­லூர் அரசு மருத்­து­வ­ம­னை­யில் தீவிர சிகிச்சை அளிக்­கப்­பட்டு வரு­கிறது.

விபத்­தில் உயி­ரி­ழந்த 8 பேரும் சென்னை பெரம்­பூ­ரைச் சேர்ந்­த­வர்­கள் என்­பது தெரிய வந்­துள்­ளது. அவர்­கள் கர்னூல் மாவட்­டத்­தில் உள்ள கோவி­லுக்­குச் சென்று திரும்­பிய போது தாம­ர­

ம­டகு-மும்பை தேசிய நெடுஞ்­சா­லை­யில் விபத்­தில் சிக்­கி­னர்.

அதி­கா­லை­ நேரத்­தில் விபத்து நிகழ்ந்­த­தால் வேன் ஓட்­டு­நர் அச­தி­யில் கண்­ண­யர்ந்­து­விட்­டாரா அல்­லது வேறு ஏதும் கார­ணமா என போலிஸ் தரப்பில் விசா­ரணை நடத்­தப்­ப­டு­கிறது.