தொற்று எண்ணிக்கை இறங்குமுகம்: மரண எண்ணிக்கை குறைந்தபாடில்லை

புது­டெல்லி: இந்­தி­யா­வில் கொரோனா கிரு­மித்­தொற்று மீண்­டும் குறை­வ­தற்­கான அறி­கு­றி­கள் தென்­ப­டத் துவங்கி உள்­ளன.

நேற்று முன்­தி­னம் 263,533 பேருக்கு புதி­தாக கிருமி தொற்­றி­ய­தாக மத்­திய சுகா­தார அமைச்சு தெரி­வித்­துள்­ளது.

சில தினங்­க­ளுக்கு முன்பு வரை அன்­றா­டம் பதி­வா­கும் தொற்று எண்­ணிக்கை 400,000க்கும் மேல் பதி­வாகி வந்­தது. இப்­போது முந்­நூறு ஆயி­ரத்­துக்­கும் கீழ் பதி­வா­கிறது.

தொற்று உறுதி செய்­யப்­பட்­ட­வர்­களில் தற்­போது 3.53 மில்­லி­யன் பேர் சிகிச்சை பெற்று வரு­கின்­ற­னர். நேற்று முன்­தி­னம் மட்­டும் 422,436 பேர் குண­ம­டைந்­துள்­ள­னர். எனி­னும் மரண எண்­ணிக்கை மட்­டும் குறைந்­த­பா­டில்லை.

நேற்று முன்­தி­னம் மட்­டும் 4,329 பேர் உயி­ரி­ழந்­துள்­ள­னர். பலி எண்­ணிக்கை தொடர்ந்து அதி­க­ரிப்­ப­தால் நிபு­ணர்­கள் கவலை அடைந்­துள்­ள­னர்.

இதற்­கி­டையே, சில மாநி­லங்­க­ளி­லும் தொற்று பாதிப்பு குறை­யத் தொடங்­கி­யுள்­ளது.

கர்­நா­ட­கா­வில் தொற்று பாதிப்பு ஏற்ற இறக்­க­மாக உள்­ளது. இரு தினங்­க­ளுக்கு முன்பு அங்கு 31 ஆயி­ரம் பேருக்கு புதி­தாக கிருமி தொற்­றி­யது. எனி­னும் நேற்று முன்­தி­னம் 38 ஆயி­ரம் புதிய தொற்­றுச் சம்­ப­வங்­கள் பதி­வாகி உள்­ளன. ஒரே நாளில் 476 பேர் மாண்­டு­விட்­ட­னர்.

ஒடி­சா­வில் இன்று முதல் ஜூன் 1 வரை ஊர­டங்கு அறி­விக்­கப்­பட்­டுள்­ளது.

ராஜஸ்­தான் மாநி­லத்­தில் புதிய நோய்த்­தொற்­றுச் சம்­ப­வங்­க­ளை­விட குண­ம­டைந்­தோ­ரின் எண்­ணிக்கை அதி­க­ரித்­துள்­ளது. நேற்று முன்­தி­னம் அங்கு 11,597 பேர் பாதிக்­கப்­பட்­ட­னர். அதே சம­யம் 29,549 பேர் குண­ம­டைந்­துள்­ள­னர்.

தெலுங்­கா­னா­வி­லும் நேற்று முன்­தி­னம் புதி­தாக 3,961 பேருக்கு கிருமி தொற்­றிய நிலை­யில், 5,559 பேர் குண­ம­டைந்­துள்­ள­னர்.

ஆந்­தி­ரா­வில் தின­மும் 20 ஆயி­ரத்­துக்­கும் மேற்­பட்­ட­வர்­கள் பாதிக்­கப்­ப­டு­வதை அடுத்து அங்கு முழு ஊர­டங்கை அமல்­ப­டுத்­து­வது குறித்து மாநில அரசு ஆலோ­சித்து வரு­வதாக 'டெக்கான் கிரானிக்கல்' நாளேட்டின் செய்தி தெரிவிக்கிறது.