உயிர்வாயு தந்து உயிர்காக்கும் 'சிலிண்டர் மகள்'

லக்னோ: உத்­த­ரப்­பி­ர­தே­சத்­தைச் சேர்ந்த இளம்­பெண் ஒரு­வர் வீடு தேடிச் சென்று இல­வ­ச­மாக உயிர்­வாயு தோம்­பு­களை விநி­யோ­கித்து வரு­கி­றார்.

இதை­ய­டுத்து அவரை 'சிலிண்­டர் மகள்' என்று பொது­மக்­கள் குறிப்­பி­டு­கின்­ற­னர்.

உத்­த­ரப்­பி­ர­தேச மாநி­லம் ஷாஜ­கான்­பூர் பகு­தி­யைச் சேர்ந்­த­வர் அர்ஷி. சில தினங்­க­ளுக்கு முன்பு இவ­ரது தந்­தைக்கு கொரோனா தொற்று ஏற்­பட்­டது.

மூச்சு விடு­வ­தில் சிக்­கல் ஏற்­பட்­டதை அடுத்து அவ­ருக்கு உயிர்­வாயு உதவி தேவைப்­பட்­டது. மாவட்ட நிர்­வா­கத்­தி­டம் உதவி கோரி­யுள்­ளார் அர்ஷி. ஆனால் மருத்­து­வ­ம­னை­யில் சேர்க்­கு­மாறு அவ­ருக்கு அறி­வு­றுத்­தப்­பட்­டது.

அதை விரும்­பாத அர்ஷி வீட்­டில் வைத்தே தந்­தைக்கு சிகிச்சை அளித்­தார். மேலும் மாவட்ட நிர்­வா­கத்­தி­டம் இருந்து ஓர் உயிர்­வாயு தோம்­பும் அவ­ருக்­குக் கிடைத்­தது.

தந்தை குண­ம­டைந்­த பிறகு அவரைப் போலவே தொற்­றால் பாதிக்­கப்­ப­டு­ப­வர்­க­ளுக்கு உயிர்­வாயு தோம்பு அளித்து உத­வு­வது என முடிவு செய்­துள்­ளார் அர்ஷி.

அரு­கில் உள்ள மாவட்­டங்­களில் இருந்து சமூக ஆர்­வ­லர்­கள் மூலம் இவ­ருக்கு உயிர்­வாயுத் தோம்­பு­கள் கிடைக்­கின்­றன. அவற்­றைப் பெற்று தமது இருசக்கர வாகனத்தில் எடுத்துச் சென்று தேவை உள்­ள­வர்­க­ளுக்கு இல­வ­ச­மாக அளித்து வரு­கி­றார்.

இது­வரை 45 உயிர்­வாயு தோம்­பு­களை தாம் விநி­யோ­கித்­துள்­ள­தா­கக் கூறும் அர்ஷி, விளம்­ப­ரத்­துக்­காக தாம் இவ்­வாறு செய்­ய­வில்லை என்­கி­றார். இந்­தச் சேவை­யின் கார­ண­மாக அர்­ஷியை அவர் வசிக்­கும் ஷாஜ­கான்­பூர் பகுதி பொது­மக்­கள் 'சிலிண்­டர் பேட்­டியா' (சிலிண்­டர் மகள்) என்று அழைக்­கத் தொடங்கி உள்­ள­னர்.

இந்­திய ஊட­கங்­க­ளி­லும் அர்ஷி பற்­றிய தக­வல்­கள் தொடர்ந்து வெளி­யா­கின்­றன.