புயல்; பிரதமர் மோடி ஆய்வு

பிரதமர் மோடி பங்கேற்ற ஆய்வுக் கூட்டத்தில் மேற்குவங்க முதல்வர் மம்தா பானர்ஜி கலந்துகொள்ளாமல் அவசரமாக புறப்பட்டுச் சென்றதால் மத்திய அரசு

அதிகாரிகள் அதிருப்தியடைந்தனர்.

புது­டெல்லி: அண்­மை­யில் வங்­கக் கட­லில் உரு­வான யாஸ் புயல் ஒடி­சா­வின் பாலா­சோர் மாவட்­டம் அருகே கரையை கடந்து பெரும் சேதத்தை ஏற்­ப­டுத்­தி­யுள்­ளது.

இதில் ஒடிசா மட்டுமல்லாமல் மேற்கு வங்க மாநி­லமும் மிக மோச­மாக பாதிக்­கப்­பட்­டது.

ஒரு கோடிக்­கும் அதி­க­மா­னோர் பாது­காப்­பான இடத்­துக்கு அனுப்பி வைக்­கப்­பட்­டுள்­ள­னர். லட்­சக்­க­ணக்­கான வீடு­கள் சேதம் அடைந்­துள்­ளன. இந்த நிலை­யில் புயல் ஏற் ­ப­டுத்­திய சேதங்­களைப் பிர­த­மர் நரேந்­திர மோடி வெள்ளிக்கிழமை நேரில் ஆய்வு செய்தார்.

விமா­னம் மூல­மாக ஒடிசா வந்த அவர், பாதிப்பு குறித்து மதிப்­பீடு செய்­வ­தற்­கான ஆய்வுக் கூட்­டத்­தில் பங்­கேற்­றார். இதில், ஒடிசா முதல்­வர் நவீன் பட்­நா­யக், மத்­திய அமைச்­சர்­ தர்­மேந்­திர பிர­தான் உட்­பட பலர் பங்­கேற்­ற­னர்.

பின்­னர் புய­லால் பாதிக்­கப்­பட்ட பகு­தி­களை ஹெலி­காப்­ட­ரில் சென்று அவர் பார்­வை­யிட்­டார்.

அதன்­பின் மேற்கு வங்­கம் சென்ற பிர­த­மர் மோடி, அங்கு புய­லால் பாதிக்­கப்­பட்ட தெற்கு மற்­றும் வடக்கு 24 பர்­கா­னாஸ், திகா, கிழக்கு மிட்னா­பூர், நந்­தி­கி­ராம் மாவட்­டங்­களை ஹெலி­காப்­ட­ரில் சென்று ஆய்வு செய்தார்.

மேற்கு வங்க முதல்­வர் மம்தா பானர்­ஜி­யு­டன் பாதிப்­பு­கள் குறித்த ஆய்­வுக் கூட்­டத்­தில் பிர­த­மர் நரேந்­திர மோடி பங்­கேற்க ஏற்­பாடு செய்­யப்­பட்டு இருந்­தது.

ஆனால் மேற்கு மிட்னா­பூர் மாவட்­டத்­தில் உள்ள கலை­குண்டா விமா­னப்­படை தளத்­தில் பிர­த­மர் நரேந்­திர மோடியை முதல்­வர் மம்தா சந்­தித்­தார். அப்­போது புயல் பாதிப்­பு­களை மறு­சீ­ர­மைப்பு செய்ய 20,000 கோடி ரூபாய் நிவா­ரண நிதி தேவை என்று மம்தா அறிக்கை ஒன்றை அளித்­தார். இந்தச் சந்­திப்பு சுமார் 15 நிமி­டங்­கள் நீடித்­தது. அதன் பின்­னர் அங்­கி­ருந்து மம்தா புறப்­பட்டுச் சென்­று­விட்­டார். பிர­த­ம­ரு­ட­னான ஆய்வுக் கூட்­டத்­தில் அவர் பங்­கேற்­க­வில்லை என்று தினமலர் உள்ளிட்ட ஊடகங்கள் தெரிவித்தன.

இது குறித்து பின்­னர் பேசிய மம்தா, "பிர­த­ம­ரு­ட­னான கூட்­டம் ஏற்­பாடு செய்­யப்­பட்­டது முதல்­வர் அலு­வ­ல­கத்­துக்கு தெரி­யாது. திகா மாவட்­டத்­தில் அதி­கா­ரி­க­ளு­டன் கூட்­டத்­துக்கு நேரம் ஒதுக்கி இருந்­தேன். பிர­த­மரை சந்­தித்­த­போது இது குறித்து தெரி­வித்து அவர் அனு­ம­தி­யு­டன் புறப்­பட்­டேன்," என்­றார்.

ஆனால் முதல்­வர் மம்­தா­வின் செய­லால் மத்­திய அரசு அதி­கா­ரி­கள் அதி­ருப்தி தெரி­வித்­துள்­ள­னர்.

மேற்கு வங்க புயல் பாதிப்­பு­களை பார்­வை­யிட்ட பிறகு பேசிய திரு மோடி, நிவா­ரணத் தொகை­யாக ஒடி­சா­வுக்கு 500 கோடி ரூபா­யும் மேற்கு வங்­கம், ஜார்க்­கண்ட் மாநி­லங்­க­ளுக்கு 500 கோடி ரூபா­யும் நிதி ஒதுக்­கு­வ­தாக அறிவித்தார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!