மில்கா சிங்கின் உடல் நேற்று நல்லடக்கம்

சண்டிகர்: கொவிட்-19 தொற்று கார­ண­மாக உயி­ரி­ழந்த இந்­தி­யா­வின் மிகப்புகழ்­பெற்ற ஓட்­டப்­பந்­தய வீரர் மில்கா சிங்­கின் இறு­திச்­ சடங்கு நேற்று மாலை முழு அர சாங்க மரி­யா­தை­யு­டன் நடை­பெற்­றது. ஒரு மாதத்­துக்கு முன்­னர் தொற்­று­கண்ட திரு சிங், அதன் தொடர்­பி­லான மருத்­து­வப் பிரச்­சி­னை­க­ளால் கடந்த வெள்­ளிக்­கிழமை இந்­திய நேரப்­படி இரவு 11.30 மணிக்கு மர­ண­ம­டைந்­தார். அவ­ருக்கு வயது 91.

ஒரு மாதத்­துக்கு முன்­னர் திரு சிங்­குக்கு கிருமி தொற்­றி­யது. சண்­டி­கர் நக­ரில் உள்ள தமது இல்­லத்­தில் தனி­மை­யில் இருந்த அவர் பின்­னர் அங்­குள்ள பிஜி­மர் மருத்­து­வ­ம­னை­யில் சேர்க்­கப்­பட்­டார்.

அவ­ரைப் போலவே கொவிட்-19 தொற்­றால் பாதிக்­கப்­பட்ட அவ­ரது 85 வயது மனைவி நிர்­மல் கடந்த ஞாயிற்­றுக்­கி­ழமை தனி­யார் மருத்து­வ­ம­னை­யில் மர­ண­முற்­றார்.

மருத்­து­வக் குழு பெரி­தும் முயற்சி செய்­தும் கடு­மை­யா­கப் பேரா­டி­யும் திரு சிங்கை காப்­பாற்ற முடி­ய­வில்லை என்று மருத்­துவ ­மனை கூறி­யது.

'பறக்­கும் சீக்­கி­யர்' என்­றும் அழைக்­கப்­பட்ட திரு மில்கா சிங், ஆசிய விளை­யாட்­டுப் போட்­டி­களில் நான்கு முறை தங்­கப் பதக்­கம் பெற்­ற­வர். 1958ல் இந்­தி­யா­வுக்கு காமன்­வெல்த் போட்­டி­களில் முதல் தங்­கத்தைப் பெற்­றுத் தந்­தார். அந்த இரண்டு போட்­டி­க­ளி­லும் தங்­கம் பெற்ற ஒரே இந்­தி­யர் அவர். அத்­து­டன் 1960ல் நடைபெற்ற ஒலிம்­பிக் போட்­டி­களில் 400 மீட்­டர் ஓட்­டப்­பந்­த­யத்­தில் திரு சிங் நான்­கா­வதாக வந்­தார்.

இந்­தி­யா­வின் பத்­ம­ஸ்ரீ விருது பெற்ற திரு சிங்­கின் மறை­வுக்கு பிர­த­மர் நரேந்­திர மோடி உட்­பட பலர் இரங்கல் தெரிவித்து உள்ளனர்.

நாடு மகத்­தான விளை­யாட்டு வீரரை இழந்­து­விட்­டதாக பிரதமர் மோடி கூறியுள்ளார்.