மும்பை: உலகப் பணக்காரர்கள் பட்டியலில் பெசோஸ், எலன் மஸ்க் ஆகியோருடன் முகேஷ் அம்பானியும் இணைந்துள்ளார்.
நூறு பில்லியன் டாலருக்கும் மேல் சொத்து மதிப்பு உடையவர்கள் மட்டுமே இந்தப் பட்டியலில் இடம்பெற முடியும்.
முகேஷ் அம்பானியின் சொத்து மதிப்பு 100.60 பில்லியனாக உள்ளது. கடந்த வெள்ளிக்கிழமை அவரது சொத்து மதிப்பு மேலும் அதிகரித்தது. நடப்பாண்டில் மட்டும் அவரது சொத்து மதிப்பு 23.8 பில்லியன் டாலர் அதிகரித்தது.
64 வயதான அம்பானியின் சொத்து மதிப்பு அடுத்த இரு ஆண்டுகளில் புதிய உச்சத்தை தொடும் என பொருளியல் நிபுணர்கள் தெரிவித்துள்ளனர்.
இந்தப் பட்டியலில் எலன் மஸ்க் 222 பில்லியன் டாலருடன் முதலிடத்திலும், ஜெஃப் பெசோஸ் 190 பில்லியன் டாலர் சொத்து மதிப்புடன் இரண்டாம் இடத்திலும் உள்ளனர்.
முகேஷ் தலைமையிலான அம்பானி குழுமம் தொடர்ந்து லாபம் ஈட்டி வருகிறது என்பது குறிப்பிடத்தக்கது.