மாணவர் முரசு
இ-பேப்பர்
மும்பை: மகாராஷ்டிராவில் வருமானவரித்துறை நடத்திய சோதனையில் கணக்கில் காட்டாமல் ரூ.150 கோடி அளவிலான வரிஏய்ப்பு கண்டுபிடிக்கப்பட்டுள்ளது.
மகாராஷ்டிராவின் நந்தர்பர் நாசிக், துலே பகுதிகளில், சொத்துச் சந்தை தொழிலில் ஈடுபடும் இரு குழுமங்களுக்கு சொந்தமான 25க்கும் மேற்பட்ட இடங்களில், வருமான வரித்துறையினர் சோதனை நடத்தினர்.
அப்போது பல போலி ஆவணங்கள் கண்டுபிடிக்கப்பட்டன. செலவினங்களைக் கூடுதலாக கணக்கு காட்டி, வருவாயைக் குறைவாக கணக்கு காட்டியுள்ளனர்.
குடும்ப உறுப்பினர்கள், ஊழியர்கள் பெயரில் துணை ஒப்பந்தங்கள் போலியாக கொடுக்கப்பட்டுள்ளன. முறைகேடுகள் மூலம் ரூ.150 கோடி அளவிலான வருமானத்தை இந்த குழுமங்கள் கணக்குகாட்டவில்லை. நிலப் பரிவர்த்தனைகள், ரொக்கக் கடன்கள் ரூ.52 கோடி மதிப்பில் நடந்துள்ளன. இவை கணக்கில் காட்டப்படவில்லை. இதற்கான ஆவணங்கள் கண்டுபிடிக்கப்பட்டுள்ளன. கணக்கில் காட்டப்படாத ரூ.5 கோடிக்கும் மேற்பட்ட ரொக்கப்பணம், நகைகளும் இந்த சோதனையில் பறிமுதல் செய்யப்பட்டன.
இது தொடர்பாக மேலும் விசாரணை நடக்கிறது.