பூட்டானுடனான சர்ச்சைக்குரிய எல்லையில் கட்டுமானங்களை சீனா வேகப்படுத்துகிறது

புது­டெல்லி: சீனா, பூட்டா­னு­ட­னான சர்ச்­சைக்­கு­ரிய எல்­லைப் பகு­தி­யில் பல்­வேறு கட்­டு­மா­னங்­களைத் துரிதப்படுத்தி வரு­கிறது.

அந்­தப் பகு­தி­யில் 200க்கும் மேற்­பட்ட கட்­டு­மா­னங்­களில் அது ஈடு­பட்டு வரு­கிறது. ஆறு இடங்­களில் இரண்டு மாடி கட்­ட­டங்­கள் கட்­டப்­பட்டு வரு­கின்­றன என்று துணைக்­கோ­ளப் படத்தை ஆய்வு செய்­துள்ள ராய்ட்­டர்ஸ் தெரி­வித்­தது.

பூமி­யில் நடக்­கும் சம்­ப­வங்­களை கண்­கா­ணித்து வரும், அமெ­ரிக்க நிறு­வ­ன­மான 'ஹாக்ஐ 360' அதற்கு ஆதா­ர­மான படங்­க­ளை­யும் ஆய்­வு­ க­ளை­யும் வழங்­கி­யுள்­ளது.

2020ஆம் ஆண்­டின் ஆரம்­பத்­தில் பாதை­க­ளை­ அமைப்பதிலும் அந்­தப் பகு­தியைச் சீர் செய்­வ­தி­லும் சீனா ஈடு­பட்­டது.

அதன் பிறகு பல்­வேறு கட்­ட­டங்­களை அது கட்டி வரு­கிறது என்று 'கேப்பெல்லா ஸ்பேஸ்', 'பிளா­னட் லாப்' ஆகி­ய­வற்­றின் துணைக்­கோ­ளப் படங்­களைச் சுட்­டிக்­காட்டி 'ஹாக்ஐ360' நிறு­வ­னத்­தைச் சேர்ந்த கிறிஸ் பிக்­கர்ஸ் கூறி­யுள்­ளார்.

2021ல் கட்­டு­மா­னப் பணி­கள் விரை­வுப­டுத்­தப்­பட்­டதை படங்­கள் காட்­டு­கின்­றன. முதலில் சிறிய அள­வில் கட்­டு­மா­னங்­கள் எழுப்­பப் ­பட்­டன. ஆயு­தங்­களை வைக்­க­வும் விநி­யோ­கிக்­க­வும் அவை கட்­டப்­பட்­டி­ருக்­க­லாம். பின்­னர் அடித்­த­ளம் அமைக்­கப்­பட்டு கட்­ட­டங்­கள் எழுப்­பப்­பட்­டன என்று திரு பிக்­கர்ஸ் தெரி­வித்­துள்­ளார்.

2021ஆம் ஆண்டு, கட்­டடங்­களை மிக விரை­வில் கட்டி முடிக்­கும் ஆண்­டாக சீனாவுக்கு இருந்­து உள்­ளது என்றார் அவர்.