அவமானப்படுத்தப்பட்ட விவசாயிக்கு மன்னிப்பும் காரும் கிடைத்தது

இந்தியாவின் கர்நாடக மாநிலம், துமகுருவில் உள்ள மஹிந்திரா கார் விற்பனை நிலையம் ஒன்றுக்கு கார் வாங்க வந்த விவசாயி ஒருவருக்கும் அந்த நிலையத்தின் விற்பனையாளர்களுக்கும் இடையே தகராறு ஏற்பட்டதைத் தொடர்ந்து, நேற்று முன்தினம் வெள்ளிக்கிழமை மாலை இந்த விவகாரத்தில் சமரசம் காணப்பட்டது.

நடந்த தவறுக்கு மன்னிப்புக் கோரிய மஹிந்திரா நிறுவனம், புதிய பொலிரோ கார் ஒன்றை கெம்பேகவுடா எனும் அந்த விவசாயியின் வீட்டிற்கு அனுப்பி வைத்தது.

“மஹிந்திரா நிறுவனத்தின் மூத்த நிர்வாகிகளும் இதர பணியாளர்களும் வெள்ளிக்கிழமை காலை எனது வீட்டிற்கு வந்தனர். நடந்த தவறுக்கு என்னிடம் மன்னிப்புக் கோரியதுடன், அவர்களது ஷோரூமுக்கு கார் வாங்க வருமாறு எனக்கு அழைப்பும் விடுத்தனர். அதே நாள் மாலை எனது வீட்டிற்கு கார் அனுப்பி வைக்கப்பட்டது,” என்றார் கெம்பேகவுடா.

பின்னர் மஹிந்திரா நிறுவனம் வெளியிட்ட டுவிட்டர் பதிவு ஒன்றில், “ஜனவரி 21ஆம் தேதி எங்கள் ஷோரூமுக்கு வந்த திரு கெம்பேகவுடாவுக்கும் அவருடைய நண்பர்களுக்கும் ஏற்பட்ட சிரமத்திற்கு நாங்கள் வருந்துகிறோம். நாங்கள் தக்க நடவடிக்கைகளை எடுத்துள்ளோம். இந்த விவகாரத்திற்கு இப்போது தீர்வு காணப்பட்டுள்ளது. எங்களிடம் கார் வாங்கிய திரு கெம்பேகவுடாவுக்கு நாங்கள் நன்றி கூற விரும்புகிறோம்,” எனக் குறிப்பிட்டது.

சில தினங்களுக்கு முன்பு கார் வாங்க மஹிந்திரா ஷோரூமிற்கு கெம்பேகவுடா சென்றிருந்தார். அப்போது அங்குள்ள விற்பனையாளர் ஒருவர், “காரின் மதிப்பு 10 லட்சம் ரூபாய், உன் பாக்கெட்டில் 10 ரூபாய் கூட இருக்காது,” எனக் கூறி, கெம்பேகவுடாவையும் அவருடைய நண்பர்களையும் அவமானப்படுத்தியதாக கூறப்பட்டது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!