கோவா, உத்தரகாண்ட் தேர்தலில் விறுவிறுப்பான வாக்குப்பதிவு

லக்னோ: உத்­த­ரகாண்ட், கோவா சட்­டப்­பே­ர­வைத் தேர்­தல்­க­ளுக்­கான வாக்­குப்­ப­திவு இன்று காலை தொடங்­கி­யது. உ.பி.யில் 2ஆம் கட்ட தேர்­த­லும் தொடங்கி நடை­பெற்­றது.

கோவா

கோவா சட்­டப்­பே­ர­வை­யில் உள்ள 40 தொகு­தி­க­ளுக்­கும் இன்று ஒரே கட்­ட­மா­கத் தேர்­தல் நடை­பெறு­கிறது. "கோவா மாநி­லத்­தில் காலை­யில் இருந்தே வாக்­குப்­ப­திவு விறு­வி­றுப்­பாக நடந்து வரு­கிறது. நாங்­கள் மிக அதி­க­மான விழுக்­காடு வாக்­குப்­ப­திவு நடை­பெ­றும் என எதிர்­பார்க்­கி­றோம்," என கோவா தலை­மைத் தேர்­தல் ஆணை­யர் குனால் தெரி­வித்­தார்.

பா.ஜ.க., காங்­கி­ரஸ், ஆம் ஆத்மி, திரி­ணா­முல் காங்­கி­ரஸ் என 4 முக்­கிய கட்­சி­கள் கள­மி­றங்­கி­யுள்­ள­தால் நான்கு முனைப் போட்டி நில­வு­கிறது.

வாக்­குப்­ப­திவு தொடங்­கிய நிலை­யில் மக்­கள் நீண்ட வரி­சை­யில் நின்று தங்­கள் வாக்­கு­க­ளைப் பதி­வு­செய்து வரு­கின்­ற­னர்.

உத்­த­ர­காண்ட்

உத்­த­ர­காண்ட் மாநி­லத்­தில் மொத்­த­முள்ள 70 தொகு­தி­க­ளுக்கு இன்று ஒரே­கட்­ட­மாக தேர்­தல் நடை­பெற்­றது.

அங்கு மொத்­தம் 81,72,173 வாக்­கா­ளர்­கள் வாக்­க­ளிக்­கத் தகுதி பெற்­றுள்­ள­னர். 11,697 வாக்­குச்­சா­வ­டி­கள் அமைக்­கப்­பட்­டுள்­ளன. பாது­காப்பு பலப்­ப­டுத்­தப்­பட்­டுள்­ளன.

உத்­த­ர­காண்ட் முதல்­வ­ரும் கடிமா தொகுதி பாஜக வேட்­பா­ள­ரு­மான புஷ்­கர் சிங் தாமி தனது வாக்கை செலுத்­தி­விட்டு அளித்­தப் பேட்­டி­யில் நமது அனைத்து திட்­டங்­களும் உத்­த­ரா­கண்ட் மாநில மக்­க­ளுக்கு பெருந்­து­ணை­யாக இருக்­கிறது.

மக்­க­ள் யார் வளர்ச்­சியை உறுதி செய்­வார்­கள் எனத் தெரிந்­து­வைத்­துள்­ள­னர். உத்­த­ர­காண்ட் மக்­கள் பாஜ­க­வுக்கு 60க்கும் மேற்­பட்ட தொகு­தி­களைப் பெற்­றுத்­த­ரு­வார்­கள் என்று நம்­பிக்கை தெரி­வித்­தார்.

உத்­த­ரப் பிர­தே­சம்

403 தொகு­தி­க­ளைக் கொண்ட உத்­த­ரப்­பி­ர­தே­சத்­தில் முதல்­கட்­ட­மாக 58 தொகு­தி­களில் கடந்த 10ஆம் தேதி வாக்­குப்­ப­திவு நடந்­தது.

இதைத் தொடர்ந்து இரண்­டாம் கட்­ட­மாக சஹா­ரன்­பூர், பிஜ்­னோர், மொர­தா­பாத், சம்­பல், ராம்­பூர், அம்­ரோஹா, படா­வுன், பரெய்லி மற்­றும் ஷாஜ­ஹான்­பூர் ஆகிய 9 மாவட்­டங்­க­ளுக்­குட்­பட்ட 55 தொகு­தி­களில் நேற்று வாக்­குப்­ப­திவு நடந்­தது. தொற்­றுப் பர­வல் அச்­சம் இருந்­தும் மக்­கள் வாக்­க­ளிக்க ஆர்­வத்­து­டன் வந்து நீண்ட வரி­சை­யில் காத்­தி­ருந்து வாக்­க­ளித்­துச் சென்­ற­னர்.

உ.பி.யில் ஆளும் பா.ஜ.க.,வை எதிர்த்து காங்­கி­ரஸ், சமாஜ்­வாடி, பகு­ஜன் சமாஜ் உள்­ளிட்ட பல்­வேறு கட்­சி­கள் கள­மி­றங்­கி­யுள்­ளன.

கோவா மாநில சட்­ட­மன்றத் தேர்­த­லில் பிற்பகல் 3 மணி நில­வ­ரப்­படி 60.18 விழுக்காடு வாக்­கு­கள் பதி­வானதாகக் கூறப்படுகிறது.

நேற்று பிற்பகல் 3 மணி நிலவரப்படி உத்­தரப்­பி­ர­தேச சட்­ட­மன்ற 2ஆம் கட்டத் தேர்­த­லில் 51.93 விழுக்­காட்டு வாக்­கு­களும் உத்­த­ரகாண்ட் மாநி­லத்­தில் ஒரே­கட்­ட­மாக நடை­பெ­றும் சட்­டப்­பே­ரவைத் தேர்­த­லில் 49.24 விழுக்­காட்டு வாக்­கு­களும் பதி­வாகி­யி­ருந்­த­தா­கத் தெரி­கிறது.