அசாமில் கட்டுப்பாடுகள் தளர்த்தப்பட்டன

கவு­காத்தி: அசாம் மாநி­லத்­தில் கொரோனா தொற்­றைக் கட்­டுப்­ப­டுத்த கடந்த இரண்டு ஆண்­டு­க­ளாக விதிக்­கப்­பட்­டி­ருந்த அனைத்­து­வி­த­மான கட்­டுப்­பா­டு­களை அம்­மா­நில அரசு தளர்த்­தி­யுள்­ளது.

இந்­திய மாநி­லங்­க­ளி­லேயே முதன்­மு­த­லாக இங்­கு­தான் இது­போன்ற அறி­விப்பு விடுக்­கப்­பட்­டுள்­ளது.

கடந்த 2020ஆம் ஆண்­டில் இருந்து தொற்­றைக் கட்­டுப்­ப­டுத்­து­வ­தற்கு பர­வ­லுக்கு ஏற்ப கட்­டுப்­பா­டு­களை நடை­மு­றைப் படுத்­து­வ­தும் தளர்த்­து­வ­துமா­க­வும் இந்­திய மாநி­லங்­கள் அறி­வித்து வந்­தன.

தற்­போது கொவிட்-19 தொற்று வெகு­வாக குறைந்த நிலை­யில், நாட்­டின் முதல் மாநி­ல­மாக அசா­மில் அனைத்து கொவிட்-19 கட்­டுப்­பா­டு­க­ளை­யும் பிப்­ர­வரி 15 முதல் நீக்­கி­யுள்­ளது.

ஆனா­லும், முகக்­க­வ­சம் அணி­தல், சமூக இடை­வெளி, கைக­ளைச் சுத்­தம் செய்­தல் போன்ற முன்­னெச்­ச­ரிக்கை நட­வ­டிக்­கை­கள் கட்­டா­ய­மாக உள்­ளன. மற்­ற­படி விமான நிலை­யங்­கள், ரயில் நிலை­யங்­கள், மருத்­து­வ­ம­னை­கள், கல்வி நிலை­யங்­கள், பொது இடங்­கள், திரு­ம­ணம், இறு­திச் சடங்கு உள்­ளிட்­ட­வற்­றுக்­கான கட்­டுப்­பா­டு­களை அம்­மா­நி­லம் நீக்­கி­யுள்­ளது.

நாடு முழுவதும் நேற்று முன்தினம் 27,409 என்றளவில் அன்றாட கொவிட்-19 தொற்று பதிவாகியிருந்தது.

இந்நிலையில் ேநற்று இது சற்று அதிகரித்து மீண்டும் 30,615ஆக பதிவாகியுள்ளது.

தலைநகர் டெல்லியில் நேற்று மீண்டும் தொற்று எண்ணிக்கை சற்று அதிகரித்தது. நேற்று புதிதாக

756 பேருக்கு தொற்று உறுதியானது.

மேற்கு வங்கம்: மாநிலம் முழுவதும் கொவிட்-19 தொற்று பாதிப்புகள் குறைந்துவரும் நிலையில் அங்கு அனைத்து தொடக்க மற்றும் மேல்நிலைப் பள்ளிகளை மீண்டும் திறக்க அம் மாநில அரசு முடிவு செய்துள்ளது.

கொவிட்-19 வழிகாட்டு நெறிமுறைகளின்படி பள்ளிகள் திறக்கப்பட்டாலும், பிப்ரவரி 28ஆம் தேதி வரை நள்ளிரவு முதல் அதிகாலை 5 மணி வரையிலான இரவு ஊரடங்கு உத்தரவு அமலில் இருக்கும் என்று மாநில அரசு தெரிவித்துள்ளது.