அசாமை புரட்டிப்போட்ட புயல், கனமழை; இருபது பேர் பலி

22 மாவட்டங்களைச் சேர்ந்த நூறாயிரம் பேர் பாதிப்பு; இருபதாயிரம் வீடுகள் சேதம்

கௌஹாத்தி: கடந்த ஐந்து நாள்­க­ளாக நீடிக்­கும் கன­மழை கார­ண­மாக அசாம் மாநி­லம் வெள்­ளக்­கா­டாக மாறி­யுள்­ளது. அங்கு இடி, மின்­னல் தாக்கி இது­வரை இரு­பது பேர் பலி­யா­கி­விட்­ட­னர்.

மேலும், மூவா­யி­ரத்­துக்­கும் மேற்­பட்ட வீடு­கள் முழு­மை­யாக சேத­மடைந்­துள்­ளன. சுமார் நூறாயிரம் பேர் கடு­மை­யா­கப் பாதிக்­கப்­பட்டுள்­ளனர்.

கடந்த 14ஆம் தேதி அசாமை புயல் தாக்­கி­யது. அன்­றைய தினம் பலத்த புயல் காற்று வீசி­யது. இதனால் பொது­மக்­கள் வீடு­களை விட்டு வெளி­யேற அஞ்சி முடங்­கிப் போயி­னர்.

புய­லுக்­குப் பிற­கும் மழை ஓய்ந்­த­பா­டில்லை. 14ஆம் தேதி தொடங்கி அடுத்த மூன்று நாள் கொட்­டித்­தீர்த்த கன­ம­ழை­யால் 1,410 கிரா­மங்­கள் பாதிக்­கப்­பட்­டன.

இக்­கி­ரா­மங்­களை உள்­ள­டக்­கிய 80 வரு­வாய் வட்­டங்­க­ளைக் கொண்ட 22 மாவட்­டங்­களில் புயல், கன­மழை, இடி, மின்­ன­லு­டன் தொடர்­பு­டைய பல்­வேறு சம்­ப­வங்­கள் பதி­வாகி உள்­ளன. கடந்த மார்ச் மாத இறு­தி­யில் இருந்தே அசா­மில் அவ்­வப்­போது கன­மழை மிரட்டி வரு­வ­தா­கச் சொல்­கி­றார் அம்­மா­நி­லத்­தின் பேரி­டர் மேலாண்மைக் கழ­கத்­தின் தலை­மைச் செயல் அதி­காரி திரி­பாதி.

"கடந்த 14ஆம்­ தேதி அசாமின் பல்­வேறு பகு­தி­களில் பலத்த வேகத்­து­டன் புயல் காற்று வீசத் தொடங்­கி­ய­து­டன் இடி, மின்­னலும் தாக்­கி­யது. இத­னால் சுமார் நூறா­யி­ரம் பேர் பாதிக்­கப்­பட்டு உள்ளனர்.

"இந்த மாவட்­டங்­களில் மொத்­தம் 1,333 ஹெக்­டேர் நிலங்­களில் பயி­ரி­டப்­பட்டு இருந்த பயிர்­கள் சேத­ம­டைந்து உள்­ளன," என்­றார் திரி­பாதி.

இதற்­கி­டையே, தொடர் மழை கார­ண­மாக அசா­மில் உள்ள பள்ளி­க­ளுக்கு விடு­முறை அளிக்­கப்­பட்­டுள்­ளது. ஏரா­ள­மான வீடு­கள், கட்­ட­டங்­கள் சேத­ம­டைந்­துள்­ளன. சுமார் இரு­ப­தா­யி­ரம் வீடு­கள் பகு­தி­ய­ள­வில் சேத­ம­டைந்­துள்­ள­தால் நிவா­ர­ணப் பணி­களை உடனே தொடங்க வேண்­டும் என பொது­மக்­கள் கோரிக்கை விடுத்­துள்­ள­னர்.

மாநி­லத்­தின் பல்­வேறு பகு­தி­களில் ஏரா­ள­மான மரங்­களும் மின் கம்­பங்­களும் சாய்ந்­துள்­ளன. இதனால் வெள்­ளப்­பெ­ருக்கு உள்ள பகு­தி­களில் மின்­சா­ரம் துண்­டிக்­கப்­பட்­டுள்­ளது.

தின்­சு­கியா, திப்­ரூ­கர் உள்­ளிட்ட மாவட்­டங்­கள் புய­லால் அதி­கம் சேத­ம­டைந்­துள்ள நிலை­யில், 20 பேர் பலி­யா­கி­விட்­ட­னர்.

புயல், மழை­யால் ஏற்­பட்­டுள்ள சேதங்­கள் குறித்து மாநில அரசு அறிக்கை தயா­ரித்து வரு­கிறது.

மாவட்ட அள­வில் அமைக்­கப்­பட்­டுள்ள குழுக்­கள் ஆய்வு மேற்­கொள்­ளும் என்­றும் அந்­தக் குழுக்­கள் அளிக்­கும் ஆலோசனை­களின்­படி உரிய நிவா­ர­ணத் தொகை­கள் அறி­விக்­கப்­படும் என்றும் அசாம் அரசு வட்­டா­ரத் தக­வல்­கள் தெரி­விக்­கின்­றன.