வெற்றியைத் தொடர லிவர்பூலுக்கு ஊக்கம்

லண்­டன்: எ­ஃப்ஏ கிண்ண இறுதி ஆட்­டம் மூன்று மாதங்­க­ளுக்கு முன்­னர் நடை­பெற்ற லீக் கிண்ண இறுதி ஆட்­டத்தை நினைவு­ ப­டுத்­தி­யது. கார­ணம், லிவர்­பூல், செல்சி குழுக்­கள் மோதிய இரு ஆட்­டத்­தின் முடி­வு­களும் கிட்­டத்­தட்ட ஒரே மாதி­ரி­யாக இருந்­தன.

சனிக்­கி­ழமை இரவு லண்­ட­னின் வெம்ப்லி திட­லில் நடை­பெற்ற ஆட்­டத்­தில், இறுதி வரை இரு அணி­களும் கோல் போட­வில்லை. ஒன்­று­கொன்று சளைத்­தது அல்ல என்­பதை அவை நிரூ­பித்­தன.

இருப்­பி­னும் கூடு­தல் நேரத்­தில் வழங்­கப்­பட்ட பெனால்­டி­யில் 5-6 என்ற கணக்­கில் செல்­சியை வீழ்த்தி லிவர்­பூல் வாகை சூடி­யது. காயம் காரணமாக மத்­திய திடல் ஆட்­டக்­கா­ர­ரான ஃபெபினோ ஆட்­டத்­தில் இடம்­பெ­றாத நிலை­யி­லும் லிவர்­பூல் குழு­வி­னர் வெற்­றியை தங்­கள் வச­மாக்­கி­னர்.

இருப்­பி­னும், ஆட்டத்­ தின் இறு­தி­வரை தமது அணி­யி­னர் கோல் எது­வும் போடா­தது வருத்த­

மளித்தது என்று லிவர்­பூல் கோல் காவலர் அலி­சன் பெக்­கர் கூறி­னார்.

இருப்­பி­னும் பெனால்­டி­யில் தமது குழு­வி­னர், வியப்­பு­றும் வகை­யில் கோல்­க­ளைக் குவித்து வெற்­றிக்கு இட்­டுச் சென்­ற­தைப் பார்த்து மிக­வும் மகிழ்ந்­த­தா­க­வும் அவர் தெரி­வித்­தார்.

"இந்த வெற்றி இனி வர­வி­ருக்­கும் பிரி­மி­யர் லீக் மற்­றும் சாம்­பி­யன்ஸ் லீக் இறுதி ஆட்­டத்­தில் துணிச்­ச­லு­டன் கள­மி­றங்க ஊக்கம் தந்­துள்­ளது. இது ஓர் அற்­பு­த­மான தரு­ணம். நாங்­கள் இதனை அனு­ப­வித்து மகிழ்­வோம்," என்­றார் அலி­சன்.

பிப்ரவரியில் நடைபெற்ற லீக் கிண்ண ஆட்டத்திலும் பெனால்டியில் செல்சியை லிவர்பூல் வீழ்த்தியது.

இரண்டு பிரி­மி­யர் லீக் ஆட்­டங்­கள் எஞ்­சி­யுள்ள நிலை­யில் மான்­செஸ்­டர் சிட்­டி­யைக் காட்­டி­லும் லிவர்­பூல் மூன்று புள்­ளி­கள் பின்­தங்கி உள்­ளது. இம்­மா­தத்­தின் பிற்­பா­தி­யில் நடை­பெ­றும் சாம்­பி­யன்ஸ் லீக் இறுதி ஆட்­டத்­தில் ரியால் மாட்­ரிட்­டைச் சந்­திக்க உள்­ளது லிவர்­பூல்.