விமானப்படை வலிமை: சீனாவை முந்திய இந்தியா

அமெரிக்கா, ரஷ்யாவுக்கு அடுத்து மூன்றாவது இடத்தைப் பிடித்தது

மும்பை: உல­க­ள­வில் வலி­மை­யான விமா­னப் படை­யைக் கொண்­டுள்ள நாடு­க­ளின் பட்­டி­யல் வெளி­யாகி உள்­ளது. இதில் இந்­தி­யா­வுக்கு மூன்­றாம் இடம் கிடைத்­துள்­ளது.

இம்­முறை சீனாவைப் பின்­னுக்­குத் தள்­ளி­யுள்­ளது இந்­தியா. இது­குறித்து விமா­னப்­படை தள­பதி விவேக் ராம் சவு­தாரி (படம்) பெரு­மி­தம் தெரி­வித்­துள்­ளார்.

"நாட்­டின் வலிமை வாய்ந்த ராணு­வம், விமா­னப்­படை, கடற்­படை ஆகிய மூன்று சேவை­களும் அடுத்த தலை­மு­றைக்­காக போரி­டும் இயந்­தி­ரங்­களில் அதிக முத­லீ­டு­களைச் செய்­துள்­ளன.

"புதிய தொழில்­நுட்­பங்­களைப் பின்­பற்­று­வ­தால், அதற்­கேற்ப நமது போர் முறை­களில் புது­மை­யைப் புகுத்த வேண்­டும்," என்று தேசிய பாது­காப்பு அகா­ட­மி­யில் நடை­பெற்ற அணி­வ­குப்­பில் பங்­கேற்ற பின்­னர் தள­பதி விவேக் ராம் தெரி­வித்­தார்.

உல­கின் வலிமை வாய்ந்த விமா­னப்­ப­டை­க­ளின் தர­வ­ரிசைக் குறி­யீட்­டில், இந்­திய விமா­னப்படை மூன்றாம் நிலைக்கு உயர்ந்­துள்­ள­தாகக் குறிப்­பிட்ட அவர், இது விமா­னப்­ப­டை­யின் செயல்­பா­டு­கள், மேலாண்மை ஆகி­ய­வற்­றால் கிடைத்­துள்ள உயர்வு என்­றார்.

"இந்­திய விமா­னப்­ப­டை­யி­டம் ஆறு வெவ்­வேறு நாடு­க­ளின் விமா­னங்­கள், நிறைய உள்­நாட்டு தயா­ரிப்பு­கள் உள்­ளன. இதுவே விமானப் ­ப­டையை மூன்­றா­வது இடத்­துக்கு உயர்த்தி இருக்கக்கூடும்," என்­றார் தள­பதி விவேக் ராம்.

'வேர்ல்டு டிரெக்­டரி ஆஃப் மாடர்ன் மிலி­டரி ஏர்­கி­ரா­ஃப்ட்' (டபிள்­யூ­டி­எம்­எம்ஏ) என்ற அமைப்பு இந்­தப் பட்­டி­யலை வெளி­யிட்­டுள்ளது.

இதில் அமெ­ரிக்கா முதல் இ­டத்­தி­லும் ரஷ்யா அடுத்த இடத்­தி­லும் உள்­ளன. சீனா, ஜப்­பான், இஸ்­ரேல், பிரான்ஸ் விமா­னப் படை­களை பின்­னுக்­குத் தள்ளி உள்­ளது இந்­தியா.

98 நாடு­க­ளின் 124 விமா­னப்­படை சேவை­கள், 47,840 போர் விமா­னங்­களை ஆய்­வுக்கு உட்­ப­டுத்தி மேற்­கு­றிப்­பிட்ட பட்­டி­யல் தயா­ராகி உள்­ளது.

நில­ந­டுக்­கம், சுனாமி உள்­ளிட்ட இயற்­கைப் பேரி­டர்­க­ளின் போது மீட்­புப் பணி­யி­லும் ஈடுபடும் விமா­னப் படையில் 1,645 போர் விமா­னங்­கள் செயல்­பாட்­டில் உள்­ளன. 170,576 பேர் பணி­பு­ரி­கின்­ற­னர்.