சிங்கப்பூர் ஹோட்டலில் முடிந்த கோத்தபாய ஆட்சி

ரவி வெல்­லூர்

ஒரு காவல்­துறை மோட்­டார் சைக்­கிள், ஒரு பாது­காப்பு வாக­னம் ஆகி­ய­வற்­று­டன் ஆடம்­பர லிமோ­சின் கார் இரு­பது நிமிட தூரத்­தில் 18 கி. மீட்­டர் தொலை­வில் இருந்த ஹோட்­டலை நோக்­கிச் சென்­றது.

ஆடம்­பர காரில் பய­ணம் செய்த கோத்­த­பாய ராஜ­பக்சே அங்­கி­ருக்­கும் ஹோட்­ட­லில்­தான் அன்­றைய இர­வைக் கழிக்க முன் பதிவு செய்­தி­ருந்­தார்.

இலங்கை ராணு­வத்­தின் லெப்டி­ னெண்ட் கர்­ன­லாக இருந்து அர­சி­யல்­வா­தி­யாக மாறிய 73 வயது கோத்­த­பா­ய­வின் கடைசி அதி­பர் பய­ணம் அது.

நாட்­டில் கால் நூற்­றாண்­டுக்கு மேல் நீடித்த இனப்­போரை முடி­வுக்­குக் கொண்டு வந்த அவரை ஒரு காலத்தில் மக்­கள் தலையில் தூக்கி வைத்துக் கொண்டாடினர்.

ராணு­வப் பின்­ன­ணி­க­ளைக் கொண்­ட­வ­ராக இருந்­தா­லும் வியாழன் இரவு சிங்­கப்­பூர் சாங்கி விமான நிலை­யத்­துக்கு வந்து சேர்ந்த கோத்­த­பாய தமக்­குப் பிடித்­த­மான வெள்­ளை­ச் சட்­டை­யும் கறுப்பு மேல் சட்­டை­யை­யும் அணிந்­தி­ருந்­தார்.

முகத்­தில் இருந்த கோடு­கள் களைப்­பைக் காட்­டி­னா­லும் அவ­ரது குர­லில் உறுதி தென்­பட்­ட­தாக அவரைத் தொலை­வில் இருந்து கவனித்­த­வர்­கள் கூறி­னர்.

'கோட்டா' என்று நாடு முழு­வ­தும் பர­வ­லாக அழைக்­கப்­பட்ட அவர் ஹோட்­டலை அடைந்­த­தும் நேரத்தை வீண­டிக்­கா­மல் தமது பதவி வில­கல் கடி­தத்தைத் தயார் செய்­தார்.

வர­லாற்று முக்­கி­யத்­து­வம் வாய்ந்த அந்­தக்கடி­தம் ஓர் உறை­யில் வைத்து சீல் இடப்­பட்டு அன்று பின்­னி­ரவு சிங்­கப்­பூர் ஏர்­லைன்ஸ் மூலம் கொழும்­பு அனுப்­பு­வ­தற்­காக சாங்கி விமான நிலை­யத்­துக்கு அவ­ச­ர­மாக எடுத்­துச் செல்­லப்­பட்­டது.

மறு­நாள் காலை, அந்­தக் கடிதத் ­தின் நம்­ப­கத்­தன்மை உறுதி செய்­யப்­பட்டு கோத்­த­பாய ராஜ­பக்சே இனி­யும் 22 மில்­லி­யன் மக்­க­ளுக்கு தலை­வர் அல்­லர் என்று இலங்கை அரசு அதி­கா­ர­ப்பூர்­வ­மாக அறி­வித்­தது. அத்­து­டன் அவ­ரது அதி­பர் பத­வி­கா­லம் முடி­வுக்கு வந்­தது.

திரு கோத்­த­பாய பதவி வில­கி­னா­லும் 'கோட்டா வீட்­டுக்­குப் போ' என்று முழக்­க­மிட்­ட­வர்­க­ளின் விருப்­பம் நிறை­வே­ற­வில்லை. அவர் அமெ­ரிக்­கா­வுக்­குத் திரும்­பிப் போக வேண்­டும் என்­பதே அவர்­க­ளின் கோரிக்­கை­யாக இருந்­தது.

ஆனால் திட்­டங்­கள் இறு­தி செய்யப்படும் வரை அல்­லது சிங்­கப்­பூர் விசா இருக்­கும் வரை சிங்­கப்­பூ­ரிலேயே அவர் தங்­கி­யி­ருப்­பார் என எதிர்­பார்க்­கப்­ப­டு­கிறது.

அடுத்த கட்ட நட­வ­டிக்­கை­களை அவர் தேடி­யாக ேவண்­டும். இலங்­கைக்­குத் திரும்ப வேண்­டிய கட்­டா­யம் ஏற்­பட்­டா­லும் மக்­கள் கோபம் தணி­யும் வரை அவர் வெளிநாட்­டில் தங்க வேண்­டும்.

இதற்குச் சில காலம் பிடிக்­க­லாம். முத­லில் நாடா­ளு­மன்­றம் புதிய அதி­ப­ரைத் தேர்ந்­தெ­டுக்க வேண்­டும். இது, விரைவில் நடக்­க­லாம் என எதிர்பார்க்கப்படுகிறது.

இரண்­டா­வது, அனைத்­து­லக பண நிதி­யம் தலை­மை­யி­லான கடன் வழங்­கும் நாடு­க­ளு­டன் இலங்கை பொரு­ளி­யலை மீட்­டெ­டுக்­கும் பேச்சை புதிய அர­சாங்­கம் தொடங்க வேண்­டும்.

ஆனால் இது, ஒரு பெரிய விவ­கா­ர­மாக இருக்­கக் கூடாது. இலங்கை கடற்­ப­கு­தி­யில் காத்­தி­ருக்­கும் எண்­ணெய்க் கப்­பல்­க­ளி­லி­ருந்து எரி­பொ­ருளை உட­ன­டி­யாக வாங்க இது பேரு­த­வி­யாக இருக்­கும்.

மூன்­றா­வது, பற்­றாக்­கு­றை­யால் ஏற்­பட்ட கொந்­த­ளிப்­பும் மக்­க­ளின் கோப­மும் ராஜ­பக்சே கட்­சிக்கு இருந்த பெரும்­பான்மை ஆத­ரவை காணா­மல் செய்­து­விட்­டது.

இந்த நிலை­யில் காலி­யான கரு­வூ­லம் உள்ளிட்ட பல்­வேறு இக்­கட்­டான பிரச்சினைகள் இருந்­தா­லும் நாட்­டில் புதிய தேர்­தலை நடத்­தி­யாக வேண்­டும். அதன் பிறகே இலங்­கை­யின் புதிய தலை­மை­ யுடன் தான் நாட்­டுக்­குத் திரும்­பு­ வ­தற்­கான நிபந்­த­னை­கள் குறித்து கோத்­த­பாய பேச்சு நடத்த முடி­யும்.

அது­வரை தமது மற்றும் குடும்­பத்­தின் பாது­காப்­புக்­கு அவர் வெளி நாட்டில் தங்குவதே சிறந்தது.

இதற்கு சவூதி அரே­பியா, துபாய், ஐக்­கிய அரபு சிற்­ற­ர­சு­கள் ஆகி­ய­ நாடுகளில் ஏதா­வது ஒன்றை அவர் தேர்ந்­தெ­டுக்க வாய்ப்­புள்­ளது.

கடந்த இரண்டு ஆண்­டு­க­ளாக இலங்கை பொரு­ளி­யலைத் தவ­றா­கக் கையாண்­ட­தால் கோத்­த­பாய ராஜ­பக்­சே­யின் அர­சி­யல் வாழ்வு முற்று பெற்­றுள்­ளது.

ஆனால் 2005ல் அவ­ரது மூத்த சகோ­த­ரர் மகிந்த ராஜ­பக்சே அதி­ப­ரான பிறகு அவர் ஏற்­றுக்­கொண்ட தற்­காப்பு அமைச்­சர் பொறுப்பே அவரை புதிய உச்­சத்­திற்கு இட்­டுச் சென்­றது.

2006 முற்­ப­கு­தி­யில் அந்­தப் பொறுப்பை ஏற்­றுக் கொள்­வ­தற்­கா­கவே அவர் அமெ­ரிக்­கா­வி­லிந்து நாடு திரும்­பி­னார். அப்­போது, தான் வாங்க விரும்­பிய அதிக விலை உயர்ந்த போர் ஆயு­தங்­க­ளின் நீண்ட பட்­டி­ய­லைத் தயா­ரித்து அவர் சமர்­ப்பித்­தார். இந்­தப் பட்­டி­ய­லைக் கண்டு அவ­ரது சகோ­த­ரர் உட்­பட பல­ரும் திகைப்­ப­டைந்­த­னர்.

அதற்கு கோத்­த­பா­யா அளித்த பதில் எளி­மை­யா­னது: "நீங்­கள் அனை­வ­ரும் விடு­த­லைப் புலி­க­ளு­டன் அமைதி பேச்சை நம்­பிக்­கை­யோடு தொடங்­கு­வீர்­கள். ஆனால் அது வீண் என்பது தெரி­யும்­போது என்­னி­டம் வரு­வீர்­கள். அந்­தத் தருணம் வரை நான் காத்­தி­ருக்க முடி­யாது. நான் முழு­மை­யாக தயா­ராக இருக்க எனக்கு அனைத்து ஆயு­தங்­களும் தேவை," என்று அவர் தெளி­வா­கக் கூறி­னார்.

அதன் பிறகு கொடூ­ர­மான போர்க்­க­ளத்­தில் ஈழப்­பு­லி­களை வெற்றி பெறு­வ­தற்­காக அப்­போ­தைய ராணு­வத் தள­பதி சரத் ஃபொன்சேகா உள்­ளிட்­ட­வர்­க­ளு­டன் அவர் நெருக்­க­மாகச் செயல்­பட்­டார். இதை­ய­டுத்து 2009ஆம் ஆண்­டின் நடுப்­ப­கு­தி­யில் மூன்றே ஆண்­டு­களில் இனப்­போர் முடி­வுக்கு வந்­தது.

ஆனால் ராஜ­பக்­சேக்­கள் அதன்­பி­றகு மித­மிஞ்சி செயல்­பட்­ட­னர். ஜென­ரல் ஃபொன்சேகா தேசிய கதா­நா­ய­கர் என்ற தகு­திக்கு உயர்ந்­த­தால் அவர் அர­சி­யல் எதிரி ­யாக உரு­வா­கி­வி­டு­வாரோ என்று எண்ணி அவரை ராஜ­பக்சே சகோ­ த­ரர்­கள் ஓரங்­கட்­டி­னர். இதற்கு எதிர்ப்பு தெரி­வித்த அவரை சிறை­யில் அடைத்­த­னர்.

கடந்த 2010 பிப்­ர­வ­ரி­யில் ஜென­ரல் ஃபொன்சேகா தடுத்து வைக்­கப்­பட்ட சிறிது நேரத்­தில் இந்த நட­வ­டிக்கை எதற்கு எடுக்­கப்­பட்­டது என்­பது குறித்து தொலைேபசி அழைப்பு ஒன்­றில் திரு ராஜ­பக்சே என்­னி­டம் விளக்­கி­னார்.

தங்­க­ளு­டைய ஆட்­சியை ஜென­ரல் கவிழ்க்க முயற்சி செய்­வ­தாக அப்போது அவர் குற்­றம்­சாட்­டி­னார்.

அதில் அவர் வெற்றி பெற்­றால் மறைந்த சிறி­மாவோ பண்­டா­ர­நா­ய­கா­வுக்கு மறைந்த ஜூனி­யஸ் ஜெய­வர்­தனே செய்­த­தை­விட மோச­மா­னதை சகோ­த­ரர்­க­ளுக்கு செய்­தி­ருப்­பார் என்­றும் அவர் கூறி­னார்.

திரு ஜெய­வர்த்­தனே காலத்­தில்­தான் திரு­மதி பண்­டா­ர­நா­ய­கா­வின் குடி­யு­ரிமை பறிக்­கப்­பட்­டது.

2015ல் ஆட்சி கவி­ழும் வரை அதி­பர் மஹிந்த தலை­மை­யி­லான ராஜ­பக்­சே­யின் குடும்­பத்­தி­னர் ஆட்சி அதி­கா­ரத்­தில் ஓங்­கி­யி­ருந்­த­னர்.

ஆனால் சீனா­வு­டன் நெருக்­க­மாக அவர்­க­ளு­டைய ஆட்சி செயல்­ப­டத் தொடங்­கி­ய­தால் கவ­லை­ய­டைந்த மேற்­கத்­திய, இந்­திய புல­னாய்­வுத் துறை­யி­னர் ஆட்­சியை கவிழ வைத்­த­னர்.

மூன்­றரை ஆண்­டு­க­ளுக்­குப் பிறகு, ஐக்­கிய அர­சாங்­கத்­துக்கு அளித்து வந்த ஆத­ரவை ஐக்­கிய மக்­கள் விடு­தலை கூட்­டணி விலக்­கிக் கொண்­ட­தால் மகிந்த ராஜ­பக்சே மீண்­டும் பிர­த­மர் ஆனார். அப்­போது மைத்­ரி­பால சிறி­சேன அதி­ப­ராக இருந்­தார்.

அந்தச் சம­யத்­தில் பிர­த­மர் பதவி­ யி­லி­ருந்து நீக்­கப்­பட்ட அணில் விக்­ர­ம­சிங்க, தமது பத­வி­நீக்­கம் அர­சி­ய­ல­மைப்பு சட்­டத்­துக்கு எதி­ரா­னது என்று கூறி அதனை ஏற்க மறுத்­து­விட்­டார்.

ராஜ­பக்சே குடும்­பத்­துக்கு நெருக்­க­மா­ன­வர் என்று இலங்கை மக்­க­ளால் இன்று குற்­றம்­சாட்­டும் அந்த ரணில் விக்­கி­ரம சிங்­க­தான் தற்­போது இடைக்­கால அதி­ப­ராக நிய­மிக்­கப்­பட்­டுள்­ளார்.

2019 ஏப்­ர­லில் கொழும்­பில் நடந்த ஈஸ்­டர் தின குண்­டு­வெ­டிப்பு அதிபர் சிறி­சேனா அர­சாங்­கத்­துக்கு சிக்­கலை ஏற்­ப­டுத்­தி­யது.

அர­சாங்­கத்­துக்கு ஆபத்து இருப்­ப­தாக முன்­கூட்­டியே இந்­திய உள­வுத்துறை எச்­ச­ரித்­த­தா­கக் கூறப்­ப­டு­கிறது. ஆனால் சிறி­சேனா-விக்­கி­ர­ம­சிங்கே மோத­லில் ஒழுங்­கற்ற நிர்­வா­கம் அதனை கவ­னிக்­கத் தவ­றி­விட்­டது.

மேலும் தேவா­ல­யம் மற்­றும் ஹோட்­டல்­களில் நடந்த தற்­கொலை வெடி­குண்டு தாக்­கு­த­ல்களில் ஏறக்­கு­றைய 270 பேர் கொல்­லப்­பட்­ட­னர். நாடே அதிர்ச்­சி­ய­டைந்து ஊடு­ரு­வல், வன்­முறை அச்­சத்­தில் மூழ்­கி­யது.

அந்த அச்­சத்­தால் ஒரு வலி­மை­யான நபரை இலங்கை மக்­கள் தேடி­னர். அந்த வலி­மையை ராஜ­பக்­சே­யி­டம் அவர்­கள் கண்­ட­னர்.

இதை­ய­டுத்து 2019 பிற்­ப­கு­தி­யில் பெரும்­பான்மை வாக்­கு­கள் வித்­தி­யா­சத்­தில் ராஜ­பக்சே அதி­ப­ரா­னார்.

உடனே அர­சாங்­கத்­தின் முக்­கிய பொறுப்­பு­களில் தமது குடும்­பத்­தி­னரை அவர் நிய­மித்­தார். வெளி­யு­றவு துறை­யில் ராணு­வத்­தைச் சேர்ந்த நம்­பிக்­கை­யா­ன­வர்­களுக்கு முக்­கிய பொறுப்­பு­கள் வழங்­கப்­பட்­டன.

அப்­போ­தி­லி­ருந்து பொது­மக்­க­ளின் கோபத்­தால் தப்பி ஓடிய தற்­போ­தைய அவ­ல­நிலை வரை எல்­லாமே மூன்று ஆண்­டு­களில் நடந்து விட்டது.

விவ­சாய உற்­பத்­தியை வீழ்ச்­சி­ய­டைய வைத்த ரசா­யன உரங்­கள் மீதான தடை போன்ற குழப்­பமான கொள்­கை­கள், கொவிட்-19 தொற்றுநோ­யின் தொடக்­கம், சுற்­றுலாத் துறை­யின் வீழ்ச்சி போன்ற அனைத்­தும் அந்­நிய செலா­வணி நெருக்­க­டியை ஏற்­ப­டுத்தி கரு­வூ­லத்தைக் காலி செய்து ராஜ­பக்சே ஆட்­சியை வீழ்த்­தி­யி­ருக்­கிறது.

அவர், மீண்­டும் ஆட்­சிக்கு வரு­வது சாத்­தி­ய­மில்ைல. இலங்­கை­யின் மோச­மான அர­சி­யல் பிள­வு­கள் ஏற்­பட்டு இறு­தி­யில் ஒரு வலி­மை­யான ஆளை மக்­கள் மீண்­டும் தேடி­னா­லும் அது கோட்­டா­வாக இருக்­காது. அதே சம­யத்­தில் லட்­சி­ய­மிக்க அவ­ரது சகோ­த­ரர் மஹிந்­தா­வின் மகன் அந்த நப­ராக இருக்­க­லாம்.

- ஸ்ட்ரெய்ட்ஸ் டைம்சில் வெளியான கட்டுரை மொழிபெயர்க்கப்பட்டுள்ளது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!