74 நாள்களுக்கு உச்ச நீதிமன்ற தலைமை நீதிபதி

புதுடெல்லி: 2022 நவம்பர் 8ஆம் தேதியுடன் ஓய்வுபெறவிருக்கும் யு.யு. லலித், 74 நாள்கள் உச்ச நீதிமன்ற தலைமை நீதிபதியாக நியமிக்கப் பட்டுள்ளார். உச்ச நீதிமன்ற நீதிபதிகளின் ஓய்வுபெறும் வயது 65. உயர் நீதிமன்ற நீதிபதிகளின் ஓய்வுபெறும் வயது 62.

யு.யு. லலித்துக்கு முன்னதாக 100 நாள்களுக்கும் குறைவாக ஐந்து நீதிபதிகள் பதவி வகித்துள்ளனர்.

உச்சநீதிமன்றத் தலைமை நீதிபதியாகப் பதவி வகிக்க உள்ள 74 நாள்களில் மேற்கொள்ள உள்ள நடவடிக்கைகள் குறித்து தலைமை நீதிபதி என்.வி. ரமணாவுக்கு நடைபெற்ற வழியனுப்பு விழாவில் யு.யு. லலித் கூறுகையில், "தீா்ப்புகளை தெளிவாக அறிவிக்க கூடுதல் நீதிபதிகள் கொண்ட அமா்வுகள் அவசியமாகும். மூன்று நீதிபதிகள் அமா்வு பரிந்துரைக்கும் வழக்குகளை, அரசியல் சாசன அமா்வு விசாரிக்கும் வகையில் ஆண்டு முழுவதும் அந்த அமா்வு செயல்பட நடவடிக்கை எடுக்கப்படும். அவசர வழக்குகளை நீதிமன்றத்தில் விரைந்து முறையிடுவதற்கும், வழக்குகளைப் பட்டியலிடுவதிலும் எளிமையான முறை கடைப்பிடிக்கப்படும்," என்றார்.