சிறையில் அமைச்சருக்கு சொகுசு வசதிகள் என புகார்

புது­டெல்லி: பண மோசடி வழக்கு தொடர்­பில் டெல்லி திகார் சிறை­யில் அடைக்­கப்­பட்­டுள்ள ஆம் ஆத்மி அமைச்­சர் சத்­யேந்­தர் ஜெயின் அங்கு பல்­வேறு சொகுசு வச­தி­களை பெற்­றுள்­ளார் என்­றும் இதற்­காக அவர் பெரும் தொகையை லஞ்­ச­மா­கக் கொடுத்­துள்­ளார் என்­றும் தக­வல் வெளி­யாகி உள்­ளது.

டெல்லி சுகா­தார அமைச்­சர் சத்­யேந்­தர் ஜெயின் கடந்த 2017ஆம் ஆண்டு ரூ.1.62 அள­வுக்கு பண மோசடி செய்­த­தா­கப் புகார் எழுந்­ததை அடுத்து சிபிஐ வழக்­குப் பதிவு செய்து விசா­ரணை மேற்­கொண்­டது. மேலும் பண மோசடி தொடர்­பான குற்றச்­சாட்டு என்­ப­தால் அம­லாக்­கத்­துறை­யும் விசா­ர­ணை­யைத் தொடங்­கி­யது.

கடந்த மே மாதம் சத்­யேந்­தர் ஜெயின் கைது செய்­யப்­பட்டு சிறை­யில் அடைக்­கப்­பட்­டார். தமக்குப் பிணை வழங்­கக் கோரி தாக்­கல் செய்த மனுக்­களை நீதி­மன்­றம் தள்­ளு­படி செய்­தது.

இந்­நி­லை­யில், பிணை மனு மீதான விசா­ர­ணை­யின்­போது சத்­யேந்­தர் ஜெயின் சிறை­யில் விதி­மு­றை­களை மீறி பல்­வேறு சொகுசு வச­தி­களை அனு­ப­வித்து வரு­வ­தாக அம­லாக்­கத்­துறை குற்­றம் சாட்­டி­யது. சிறை­யில் அவ­ருக்கு உடம்­புப்­பிடி செய்­யப்­படும் காணொ ­ளிப் பதி­வு­கள் வெளி­யாகி உள்­ளன. சத்­யேந்­தர் ஜெயின் மீது அர­சி­யல் தர­கர் சுகேஷ் சந்­தி­ர­சே­கர் இது­போன்ற குற்­றச்­சாட்­டை­தான் முன்­வைத்­துள்­ளார்.

ஆம் ஆத்மி கட்­சிக்­காக முதல்­வர் கெஜ்­ரி­வால் பல­கோடி ரூபாய் கேட்­ட­தா­க­வும் அவர் தெரி­வித்­துள்­ளார்.