மாணவர் முரசு
இ-பேப்பர்
ஸ்ரீவில்லிபுத்தூர்: தன் தாயின் துயர், மன உளைச்சல், தனிமையைப் போக்குவதற்காக அவரை கடந்த நான்கு ஆண்டுகளாக மோட்டார் சைக்கிளில் ஏற்றிக்கொண்டு, ஊர் ஊராக அழைத்துச்சென்று தேவாலயங்கள், கோயில்கள், மசூதிகளைச் சுற்றிக் காண்பித்து மகிழ்ச்சிப்படுத்தி வருகிறார் மகன் ஒருவர்.
"தாய்-மகனின் பாசத்தை திரைப் படங்களிலும் கதைகளிலும் கேட்டுள்ளோம். ஆனால், இப்போதுதான் நேரில் காண்கின்றோம்," என்று இந்தத் தாய்-மகன் ஜோடியை பலரும் வியந்து பாராட்டுகின்றனர்.
ஆந்திரா, மகாராஷ்டிரா, கேரளா, சத்தீஸ்கர், உத்தரப் பிரதேசம், கோவா, புதுச்சேரி, தமிழ்நாடு என இதுவரை 60,459 கிலோ மீட்டர் தூரத்திற்கு இவர்கள் மோட்டார் சைக்கிளில் பயணம் செய்து நேற்று முன்தினம் ஸ்ரீவில்லிபுத்தூர் ஆண்டாளைத் தரிசித்தனர்.
இதனைத்தொடர்ந்து நேற்று கோவில்பட்டி வழியே ராமேஸ்வர பயணத்தைத் தொடங்கினர்.
கர்நாடக மாநிலம், மைசூரு அருகே உள்ள போகடி பகுதியைச் சேர்ந்தவர் கிருஷ்ணகுமார், 45, இவரது தாய் ரத்தினம்மா, 74. வங்கியில் பணியாற்றி வந்த இவரது தந்தை தட்சிணாமூர்த்தி கடந்த நான்கு ஆண்டுகளுக்கு முன்பு இறந்துவிட்டார். அன்றுமுதல் ரத்தினம்மா மனமுடைந்து போனார். அவரது தனிமையைப் போக்கவும் மன அழுத்தத்தில் இருந்து அவரை வெளியே கொண்டுவரவும் தன் அப்பாவின் மோட்டார் சைக்கிளில் அம்மாவை கோயில் குளங்களுக்கு அழைத்துச் செல்ல கிருஷ்ணகுமார் முடிவு செய்தார்.
இதையடுத்து, மென்பொருள் நிறுவன அதிகாரியாகப் பணிபுரிந்து வந்த இவர், தனது வேலையை விட்டு விலகி, ரத்தினம்மாளுடன் ஆந்திரா, கேரளா, தமிழ்நாடு உள்ளிட்ட பல மாநிலங்களில் உள்ள புகழ்பெற்ற கோவில்கள், தேவாலயங்கள், மசூதிகளுக்குச் சென்று வழிபாடு செய்து வருகிறார்.
இதுகுறித்து ரத்தினம்மாள் கூறுகையில், "இதுவரை 60,459 கிலோமீட்டர் பயணம் செய்து இந்தியாவில் உள்ள பல்வேறு தலங்களிலும் வழிபாடு செய்ததால் மனம் நிறை வாக, நிம்மதியாக உள்ளது. காசி யில் இருந்து கொண்டுவந்த கங்கை தீர்த்தத்தை ராமேஸ்வரம் ராமநாதசுவாமிக்கு அபிஷேகம் செய்தபின் மைசூர் திரும்புவோம்.
"மாத்ரு சேவா சங்கல்ப புனித யாத்திரை' மூலம் இந்தியா, நேப் பாளம், பூட்டான், மியன்மார் உள் ளிட்ட நாடுகளையும் எனது மகனு டன் சேர்ந்து சுற்றி வந்துள்ளேன். இதற்குமேல் எனக்கு என்ன வேண்டும்?" என்கிறார்.