விளம்பரங்களை நிறுத்த போர்ன்விட்டாவுக்கு கடிதம்

புதுடெல்லி: போர்ன்­விட்டா பாக்­கெட்­டு­களிலுள்ள விவ­ரக்­கு­றிப்பு­களை மாற்­றும்­ப­டி­யும், தவ­றான விளம்­ப­ரங்­களை நிறுத்­தும்­ப­டி­யும் தேசிய குழந்­தை­கள் உரிமை பாது­காப்பு அமைப்பு கடி­தம் மூலம் கோரிக்கை விடுத்­துள்ளது.

அதில், இந்­திய உணவுப் பாது­காப்புத் தர ஆணை­யம் நிர்­ண­யம் செய்­துள்ள அள­வின்­படி, போர்ன்­வி­ட்டா­வில் உள்ள பொருள்­களில் அளவு இல்லை என்ற புகார் எழுந்­துள்­ளது.

போர்ன்­வி­டா­வில் உள்ள சர்க்­கரை அளவு நிர்­ண­யம் செய்­த­தை­விட அதி­க­மாக உள்­ள­து.மால்­டோ­டெக்ஸ்­டி­ரின் என்ற லிக்­விட் குளூ­கோஸ் போன்­ற­வை­யும் தனி­யாக சேர்க்­கப்­பட்­டுள்­ளது. இது விதி­மு­றையை மீறிய கூடு­தல் சர்க்­கரை அளவு.

குழந்­தை­க­ளுக்­கான ஊட்­டச்­சத்து பானம் என்ற பெய­ரில் தவ­றாக வழி­ந­டத்­தும் வகை­யில் போர்ன்­வி­ட்டா­வின் விளம்­ப­ரங்­கள் இடம்­பெற்­றுள்­ளன.

போர்ன்விட்டா குழந்­தை­க­ளுக்­கான ஊட்­டச்­சத்து பானம் என்­ப­தற்கு அறி­வி­யல்­பூர்வ சான்­று­கள் சமர்­ப்பிக்க வேண்­டும்.உட­ன­டி­யாகக் குழந்­தை­களை மைய­மாக கொண்டு வெளி­யா­கும் விளம்­ப­ரங்­களை நிறுத்த வேண்­டும். பாக்­கெட்­டு­களில் உள்ள லேபிள்­க­ளை­யும் மாற்றி போர்ன்­வி­ட்டா­வில் உள்ள உண்­மை­யான பொருள்­களைக் குறிப்­பிட வேண்­டும்.

மேலும், அடுத்த 7 நாள்­களுக்­குள் குற்­றச்­சாட்டு குறித்து விளக்­கம் அளிக்க வேண்­டும் என்று தெரி­விக்­கப்­பட்­டுள்­ளது.

மான்­ட­லெஸ் இன்­டர்­நே­ஷ­னல் தயா­ரித்து சந்­தை­யில் குழந்­தை­க­ளுக்­கான ஊட்­டச்­சத்து பானம் என்று விளம்­ப­ரம் செய்து விற்­பனை செய்­யப்­பட்டு வரும் பொருள் போர்ன்­விட்டா.