பெங்களூரு: சூப்பர் ஸ்டார் என ரசிகர்களால் அழைக்கப்படும் நடிகர் ரஜினிகாந்த் ஆரம்ப கட்டத்தில் பேருந்து நடத்துனராக இருந்தது அனைவருக்கும் தெரிந்த தகவல்.
சிவாஜி ராவ் என்ற இவரது இயற்பெயர் நடிக்கத் துவங்கிய பிறகு ரஜினிகாந்த் ஆக மாறியது.
இந்நிலையில், பெங்களூருவில் தான் பணியாற்றிய ஜெயநகர் பேருந்து பணிமனைக்கு நடிகர் ரஜினிகாந்த் திடீரென சென்றார்.
அப்போது பணிமனையில் இருந்த ஊழியர்களை சந்தித்து அவர் உரையாடினார்.
தாம் பணியாற்றிய நினைவலைகளை அவர்களிடம் பகிர்ந்து கொண்டார்.
பின்னர் அங்கிருந்த பேருந்து ஓட்டுநர்கள், நடத்துனர்களுடன் சேர்ந்து புகைப்படம் எடுத்து மகிழ்ந்தார்.
பெங்களூருவில் உள்ள போக்குவரத்துக் கழகத்தின் பேருந்து பணிமனைக்கு நடிகர் ரஜினிகாந்த் வந்தது பரபரப்பை ஏற்படுத்தியது.