சூரியனை நெருங்கும் ஆதித்யா-எல்1; அறிவியல் தரவுகளை சேகரிக்கிறது

பெங்களூரு: ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் ஏவுதளத்தில் இருந்து பிஎஸ்எல்விசி-57 உந்துகணை மூலம் சூரியனை ஆய்வு செய்வதற்காக அனுப்பப்பட்ட ஆதித்யா-எல்1 என்ற விண்கலம், அறிவியல் தரவுகளை சேகரிக்கத் தொடங்கியுள்ளது என்று இந்திய விண்வெளி ஆய்வு அமைப்பான இஸ்ரோ தெரிவித்துள்ளது.

கடந்த 2ஆம் தேதி ஆதித்யா-எல்1 வெற்றிகரமாக விண்ணில் பாய்ச்சப்பட்டது.

பூமியில் இருந்து 125 நாட்கள் பயணம் செய்து விண்கலம் 15 லட்சம் கிலோ மீட்டர் தொலைவில் உள்ள ‘லாக்ராஞ்சியன் புள்ளி-1’ என்ற இடத்தை சென்றடையும்.

அங்கிருந்தவாறு சூரியனை ஆய்வு செய்யும் பணியில் விண்கலம் ஈடுபடும்.

இதற்கு முன்னதாக ஆதித்யா-எல் 1 விண்கலம் 16 நாட்கள் பூமியைச் சுற்றி வரும்போது ஐந்து முறை சுற்றுப்பாதையின் அளவு உயர்த்தப்படுகிறது.

அந்த வகையில் பூமியின் சுற்றுவட்டப்பாதையை உயர்த்துவதற்கான முதல் கட்டப்பணி கடந்த 3ஆம் தேதி நடந்தது. அடுத்து 2ஆம் கட்டமாக கடந்த 4ஆம் தேதி அதிகாலை 3 மணி அளவில் மீண்டும் சுற்றுவட்டப்பாதை உயர்த்தப்பட்டது.

3வது கட்டமாக சுற்று வட்டப்பாதை உயர்த்தும் பணி கடந்த 10ஆம் தேதியும் 4வது முறையாக சுற்றுவட்டப்பாதை உயர்த்தும் பணி 15ஆம் தேதியும் வெற்றிகரமாக நடந்தது.

இந்த நிலையில் ஆதித்யா-எல் 1 விண்கலம் அறிவியல் தரவுகளை சேகரிக்கத் தொடங்கியுள்ளதாக இஸ்ரோ அறிவித்துள்ளது.

அதிவெப்ப ஆற்றல், அயனிகள் மற்றும் எலக்ட்ரான்களை ஆதித்யா எல்-1 விண்கலம் அளவிட தொடங்கியுள்ளது

பூமியில் இருந்து 50,000 கிலோ மீட்டர் தொலைவில் ‘STEPS’ என்ற கருவி செயல்படத் தொடங்கியது என்றும் STEPS கருவியின் உணர்வுக்கருவிகள் அதிவெப்பம் மற்றும் ஆற்றல்மிக்க அயனிகள் மற்றும் எலக்ட்ரான்களை அளவிடத் தொடங்கியுள்ளன என்றும் இஸ்ரோ தெரிவித்தது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!