புதுடெல்லி: இந்தியாவில் வெங்காயத்தின் விலை 57 விழுக்காடு உயர்ந்துள்ளது. ஒரு கிலோ வெங்காயத்தின் விலை ரூ.47 என்ற நிலை உருவாகியுள்ளது.
இதையடுத்து, கையிருப்பில் உள்ள வெங்காயத்தை விடுவித்து அதன் விலையைக் குறைக்க இந்திய அரசாங்கம் முடிவெடுத்துள்ளது.
இதன்படி ஒரு கிலோ ரூ.25 என்ற விலையில் வெங்காயத்தை விற்க மத்திய அரசு நடவடிக்கை எடுத்து வருகிறது.
வெள்ளிக்கிழமை நிலவரப்படி தேசிய அளவில் ஒரு கிலோ வெங்காயம் 47 ரூபாய்க்கு விற்கப்பட்டது. கடந்த ஆண்டு இதே காலகட்டத்தில் ஒரு கிலோ ரூ.30ஆக இருந்தது.