மாணவர் முரசு
இ-பேப்பர்
திருமலை: திருப்பதி மலைக்கு வரும் பக்தர்களின் வசதிக்காக, அங்கு பல பகுதிகளில் இலவச காலணி பாதுகாப்பு மையங்கள் செயல்படுகின்றன.
எனவே, அந்த மையங்களில் காலணிகளைப் பக்தர்கள் பத்திரப்படுத்திவிட்டு, கோவிலுக்குச் சென்று ஏழுமலையானைத் தரிசித்துவிட்டு வந்து எடுத்துச் செல்வது வழக்கம்.
இதற்கிடையில், தேவஸ்தானத்தின் இலவச காலணிக் காப்பகங்களில் ஊழியர்கள் பற்றாக்குறை நிலவுகிறது. இதனால், சரியான கண்காணிப்பு இல்லாததால், பக்தர்கள் விட்டுச் செல்லும் விலை உயர்ந்த காலணிகளை, சிலர் குறிவைத்து திருடிச்சென்று விடுவதாகக் கூறப்படுகிறது.
இந்நிலையில், திருமலையில் நான்கு மாட வீதிகள் அருகே அமைந்துள்ள காலணிக் காப்பகத்தில், செருப்புகளை சில பக்தர்கள் வைத்து, அவற்றுக்கு பூட்டு போட்டுச் சென்றனர்.
இதை பார்த்த சிலர், ‘இவ்வளவு பெரிய கோவிலை நிர்வகிக்கும் தேவஸ்தானத்தால் செருப்புக்குப் பாதுகாப்பு கொடுக்க முடியவில்லையா?’ என கேள்வி எழுப்பியுள்ளனர்.
