தமிழகத்தில் பெருகிவரும் விரைவுச்சாலைகள்

சென்னை: தமிழகத்தில் தற்சமயம் கிட்டத்தட்ட 2,700க்கும் அதிக கிலோமீட்டர் நீளமுள்ள விரைவுச்சாலைகள் அளவு 3,698 கிலோமீட்டர் அளவுக்கு அதிகரிக்க உள்ளது.

அதேபோல் சுங்கச் சாவடிகளின் எண்ணிக்கையும் 90வரை அதிகரிக்கும் என்று கூறப்படுகிறது.

தமிழ்நாட்டில் தேசிய விரைவுச்சாலைகளில் உள்ள சுங்கச் சாவடிகளின் எண்ணிக்கை 72லிருந்து 90 ஆக உயர்த்த தேசிய விரைவுச்சாலை ஆணையம் தெரிவித்துள்ளது.

அதாவது, தமிழ்நாட்டில் ரூ.20,000 கோடி மதிப்பீட்டில் 963 கிலோமீட்டர் நீளமுள்ள 4 வழி விரைவுச்சாலை அமைக்கப்பட்டு வருவதாகக் கூறப்பட்டுள்ளது. இந்நிலையில், இன்னும் 2 ஆண்டுகளில் இந்தப் பணிகள் முடிவடையும் என்றும் தேசிய விரைவுச்சாலை ஆணையம் தெரிவித்துள்ளது. தற்போது, 767 கிலோ மீட்டர் நீளமுள்ள விரைவுச்சாலைகள் அமைக்கும் பணி முடிவடையும் நிலையில் உள்ளதாகவும் அடுத்த ஆண்டுக்குள் இவை திறந்துவிடப்படும் என்றும் கூறப்படுகிறது.

புதிதாக அமைக்கப்படும் தேசிய விரைவுச்சாலைகளில் மேலும் 18 சுங்கச் சாவடிகள் நிறுவப்பட உள்ளதாகவும் இதன் காரணமாக தமிழ்நாட்டில் சுங்கச் சாவடிகளின் எண்ணிக்கை 90 வரை உயரும் என்றும் தெரிவிக்கப்பட்டுள்ளது.

தற்போது, தமிழகத்தில் 72 சுங்கச் சாவடிகள் உள்ளன.

இந்நிலையில், ஆறு நான்கு-வழி விரைவுச்சாலைகள் திட்டம் செயல்படுத்தப்பட்டு இன்னும் ஓராண்டில் முடிக்கப்பட உள்ளன. அதில், விக்கிரவாண்டி - தஞ்சை, மாமல்லபுரம் - புதுச்சேரி கிழக்கு, நாகை - தஞ்சை, திண்டுக்கல் - பொள்ளாச்சி, விழுப்புரம் - நாகை, குடிபலா - திருப்பெரும்புதூர் ஆகிய ஆறு நான்கு-வழி விரைவுச்சாலைகள் அடங்கும் என்று விளக்கமளிக்கப்பட்டுள்ளது.