அருள்மிகு தெண்டாயுதபாணி ஆலயத்தில் களைகட்டிய சீனப் புத்தாண்டுக் கொண்டாட்டம்

அருள்மிகு தெண்­டா­யு­த­பாணி ஆலயம் அதன் வரு­டாந்­திர சீனப் புத்­தாண்டுக் கொண்­டாட்­டங்­களை கடந்த 6ஆம் தேதி ஞாயிற்­றுக்­கிழமை அன்று நடத்­தி­யது.

150 ஆண்­டு­க­ளுக்­கும் மேலான வர­லாற்றை உள்­ள­டக்­கிய இந்த ஆல­யம், உள்­ளூர் இந்து சமூ­கத்­தின் சமயத் தேவை­க­ளைப் பூர்த்தி செய்­வ­தோடு மட்­டு­மல்­லா­மல், கல்வி உத­வித்­தொகை, யோகா வகுப்­பு­கள், பல இன மக்­களும் கொண்­டாடி மகி­ழும் பண்­டி­கை­களை­யும் நடத்தி வரு­கிறது.

அதோடு, நமது சமு­தா­யத்­தில் உள்ள உடல் ஊன­முற்ற உறுப்­பி­னர்­க­ளுக்கு சக்­கர நாற்­கா­லி­களை­யும் ஆலயம் வழங்­கு­கிறது.

2018ஆம் ஆண்டு முதல் அருள்மிகு தெண்­டா­யு­த­பாணி ஆல­யம் சீனப் புத்­தாண்டு, நோன்புப் பெருநாள், தீபா­வளி போன்ற பல்­வேறு பண்­டிகைகளையும் கொண்­டா­டும் முயற்­சி­யில் ஈடு­பட்டு வரு­கிறது.

கடந்த காலங்­களில் இது­போன்ற கொண்­டாட்­டங்­கள் நேரடியாக நடத்­தப்­பட்­டன.

இதைத்தொடர்ந்து, வெவ்­வேறு சமயங்க­ளைச் சேர்ந்த பய­னா­ளி­கள் மதிய உண­விற்கு ஆலய வளாகத்­திற்கு அழைக்­கப்­பட்­ட­னர். கரா­வோக்கே பாடல், பலதரப்பட்ட நிகழ்ச்­சி­கள், கொண்­டாட்ட நிகழ்வு ­க­ளு­டன் சக சிங்­கப்­பூ­ரர்­களை உற்­சா­கப்­ப­டுத்தி வந்­தது ஆலயம்.

இவ்வாண்டு, அருள்மிகு தெண்­டா­யுத பாணி ஆல­யம் ஹென்­டர்­சன் சாலை­யில் உள்ள வாடகை வீட்­டில் குடி­யி­ருக்­கும் 200 குடி­யிருப்பாளர்­க­ளி­டம் சீனப் புத்­தாண்­டின் கோலா­க­லத்தை நிறைத்தது. 'ஆங் பாவ்' என்ற சிவப்பு உறை பைகள், ஆரஞ்சு, தன்­னார்­வத் தொண்­டர்­களால் தயா­ரிக்­கப்­பட்ட சைவ உணவு வகை­க­ளு­டன் சீனப் புத்­தாண்டு பண்டிகையைக் கொண்­டாடி மகிழ்ந்தனர்.

தஞ்­சோங் பகார் குழுத்தொகுதி நாடா­ளு­மன்ற உறுப்­பி­னரும் அடித்­தள ஆலோ­ச­கருமான திரு­மதி ஜோன் பெரேரா, அருள்மிகு தெண்­டா­யு­த­பாணி ஆல­யத்­தின் தலை­வர் திரு.என்.சண்­மு­கம் மற்­றும் 20 ஆலயத் தொண்­டர்­கள் மக்­க­ளுக்கு பரிசுப் பொருள்களை விநி­யோ­கம் செய்வதில் பங்கேற்றனர்.