மாணவர் முரசு
இ-பேப்பர்
மனித உடலுக்குத் தேவையான நல்ல ஊட்டச்சத்துகள் முட்டையில் நிறைந்துள்ளன. இருப்பினும், ஒரு குறிப்பிட்ட வயதிற்குப் பிறகும் முட்டையைச் சேர்த்துக்கொள்ள லாமா எனும் சந்தேகம் இன்னும் பலரிடமும் இருந்து வருகிறது.
"40 வயதுக்கு மேலானோர் வாரத்துக்கு ஏழு முட்டைகளைத் தயங்காமல் சாப்பிடலாம்," என சுகாதார நிபுணர்கள் கூறியுள்ளதாக 'டைம்ஸ் ஆப் இந்தியா' ஊடகத் தகவல் குறிப்பிட்டுள்ளது.
ஒரு பெரிய வேகவைத்த முட்டையில் 77 கேலரிகள், 0.6 கிராம் மாவுச் சத்து, 5.3 கிராம் கொழுப்பு, 212 மில்லிகிராம் கொலஸ்ட்ரால், 6.3 கிராம் புரதச் சத்து, வைட்டமின்கள் ஏ, பி2, பி12, பி5, பாஸ்பரஸ், செலினியம் ஆகியவை நிறைந்து உள்ளன.
முட்டைகளில் அமினோ அமிலங்கள் செறிந்துள்ளதால், அவை உடலில் புரத அளவை அதிகரிக்கும் முக்கிய காரணியாகவும் விளங்குகின்றன.
முட்டை தரும் பலன்கள்
வயதானவர்களின் தளர்ச்சி அடையும் தசைகளை முட்டைகள் பலப்படுத்துவதில் பெரும் பங்காற்றுகின்றன. இருப்பினும், வயதானவர்கள் பலரிடமும் பரிந்துரைக்கப்பட்ட அளவில் புரதச்சத்து இல்லாமல் உள்ளதாகவும் கூறப்படுகிறது.
40 வயதுக்கு மேலானோருக்கு முட்டை ஒரு சிறந்த ஊட்டச்சத்தா கும். வயதானவர்களின் தளர்ச்சி அடைந்த தசைகளை வலுப்படுத்து வதற்கு ஏதுவாக ஒவ்வோர் உணவிலும் போதுமான அளவில் புரதச் சத்து தேவை என்பதற்கான சான்றுகளும் உள்ளன.
"முட்டைகள் விலை குறைவான, எளிதில் செரிமானமாகக் கூடிய உயர்தர புரதமாகும். இதில், கணிசமான அளவு 'லியூசின்', தசைத் தொகுப்புக்குத் ேதவையான அமினோ அமிலம், வைட்டமின் டி உள்பட பல முக்கிய சத்துகளும் 'ஒமேகா-3' கொழுப்பு அமிலங்களும் உள்ளன," என ஆய்வு ஒன்றும் குறிப்பிட்டுள்ளது.
அளவாக இருப்பின் ஆபத்தில்லை
கொலஸ்ட்ரால் பற்றி கவலைப்படும் பலரும் முட்டையை உணவில் சேர்த்துக்கொள்வதில்லை. அளவாக உட்கொண்டால் முட்டையில் உள்ள கொலஸ்ட்ரால் மனித ஆரோக்கியத்திற்குத் தீங்கு விளைவிக்காது என்று ஆய்வுகள் தெரிவிக்கின்றன.
எனவே, 40 வயதிற்கு மேற்பட்டவர்கள் உடலின் ஊட்டச்சத்து தேவையைப் பூர்த்தி செய்ய, எந்த ஒரு தயக்கமும் இன்றி தினமும் ஒரு முட்டையைக் கண்டிப்பாகச் சாப்பிடுவது நன்மையே பயக்கும்.
எத்தனை உண்ணலாம்?
சுகாதார நிபுணர்களின் கூற்றுப்படி, 40களில் உள்ளோர் ஒரு வாரத்தில் குறைந்தது ஏழு முட்டைகளைச் சாப்பிட வேண்டும். 'நல்ல கொலஸ்ட்ராலின்' சிறந்த ஆதாரமாகக் கருதப்படும் முட்டைகளை வயதானவர்கள் எடுத்துக்கொள்ளலாம். இதை வேகவைத்து அல்லது சிறிது எண்ணெய் விட்டு பொரிதும் சாப்பிடலாம். படம்: ஊடகம்