மாணவர் முரசு
இ-பேப்பர்
குறுஞ்செய்திச் செயலியான வாட்ஸ்அப், பயனர் அனுபவத்தை மேம்படுத்த தொடர்ந்து புதுப்பிப்புப் பணிகளை மேற்கொண்டு வருகிறது.
அவ்வகையில், ஃபேஸ்புக்கில் இருக்கும் ஓர் அம்சம் வாட்ஸ்அப்பிலும் கூடிய விரைவில் அறிமுகப்படுத்தப்படலாம் என்று வாட்ஸ்அப் குறித்த தகவல்களைப் பிரத்தியேகமாக வெளியிடும் 'டபிள்யூஏபீட்டாஇன்ஃபோ' இணையத்தளம் வெளியிட்டு உள்ள செய்தியின்மூலம் தெரிய வந்துள்ளது.
அதாவது, ஃபேஸ்புக்கில் இருப்பதுபோல் 'கவர்', 'புரொஃஃபைல்' என இரண்டு படங்களை வைத்துக்கொள்ள முடிவதுபோல், வாட்ஸ்அப் கணக்கிற்கும் பயன்படுத்தலாம் என்பதே அந்தப் புதுத் தகவல்.
ஆனாலும், இப்படி இரண்டு படங்களை வைத்துக்கொள்ளும் வசதி தொழில்முறைக் கணக்கு (business account) வைத்திருப்போருக்கு மட்டுமே வழங்கப்படும் எனக் கூறப்படுகிறது.
ஏற்கெனவே படத்தொகுப்பில் உள்ள படத்தை அல்லது கேமரா மூலம் புதிதாகப் படமெடுத்து 'கவர்' படமாக வைத்துக்கொள்ள அனுமதி அளிக்க வாட்ஸ்அப் திட்டமிட்டு வருகிறது.
ஃபேஸ்புக், வாட்ஸ்அப் இரண்டுமே 'மெட்டா' நிறுவனத்திற்குச் சொந்தமானவை என்பது குறிப்பிடத்தக்கது.