மாணவர் முரசு
இ-பேப்பர்
யுனெஸ்கோவின் தொட்டுஉணரமுடியாத கலாசார மரபுடைமைப் பட்டியலில் இடம்பெறக்கூடிய தேசிய மரபுடைமைக் கழகத்தின் பரிந்துரைகள் பற்றி இந்த ஆண்டின் பிற்பகுதியில் பொதுமக்களின் கருத்துகள் கேட்டறியப்படும். தேசிய மரபுடைமைக் கழகத்தின் பரிந்துரைப் பட்டியலில் இடம்பெற்றுள்ள 10 கூறுகள் இங்கே உள்ளன
1. குழந்தை பிறப்பு பாரம்பரியம்
சிங்கப்பூரில் உள்ள ஒவ்வொரு இன சமூகத்திற்கும் என சொந்த பழக்கவழக்கங்களும் நடைமுறைகளும் உள்ளன. அவை முக்கியமாக, தாய்மார்களின் பிரசவத்திற்கு முன்னும் பின்னும் ஆரோக்கியமாக இருக்க உதவுகின்றன.
இங்குள்ள சீன, மலாய், இந்திய சமூகத்தைச் சேர்ந்தோர், பொதுவாக குழந்தை பிறப்புக்குப் பிறகு வீட்டிலேயே இருக்கும் பழக்கத்தைக் கடைப்பிடிக்கின்றனர். குழந்தையைப் பெற்றெடுத்த தாய் வீட்டை விட்டு வெளியேற அனுமதிக்கப்படுவதில்லை. இது தாய்-சேய்க்கு தொற்றுநோய்கள் ஏற்படும் அபாயத்தை தடுக்கிறது.
2. டிகிர் பராத்
ஏறத்தாழ 12 முதல் 16 உறுப்பினர்களைக் கொண்ட மலாய் இைசக் குழுவினர் பாடல்கள் பாடி, நடனத்தை ஒருங்கிணைத்து, தாளக் கருவிகளை வாசித்து கலை நிகழ்ச்சிகளைப் படைக்கின்றனர்.
திருமணம், திருவிழாக்கள், போட்டி நிகழ்வுகளிலும் அடிக்கடி இசைக்கச்சேரியை நடத்துகின்றனர். இதுபோல், சிங்கப்பூரில் 70 முதல் 90 குழுவினர் உள்ளனர்.
3. கெட்டாய்
பொழுதுபோக்கு பாடல் நிகழ்வான கெட்டாய் அடித்தள அமைப்புகளால் அடிக்கடி ஏற்பாடு செய்து நடத்தப்படுகிறது.
'ஹங்ரி கோஸ்ட் ஃபெஸ்டிவல்' நிகழ்வுடன் தொடர்புடைய இந்தப் 'பாடல் மேடை' நிகழ்வு, கடந்த கால சீன ஓப்பரா இசை நாடகங்கள், பொம்மலாட்ட நிகழ்வுகளிலும் வெற்றி பெற்றுள்ளன.
நிகழ்ச்சி பொதுவாக ஹாக்கியனில் இருக்கும். ஆனால், கேன்டோனீஸ், மலாய், இந்தோனீசியப் பாடல்களுக்கும் கூட பார்வையாளர்கள் மத்தியில் வரவேற்புள்ளது.
4. குவே தயாரிப்பு
குவே என்றழைக்கப்படும் சிறிய தின்பண்டங்கள் மலாய், பெரானாக்கன் சமூகங்களுடன் தொடர்புடையவை. இவை, வீடுகளில் தயாரிக்கப்படுகின்றன. பெரும்பாலான தின்பண்டங்களில் பசைத் தன்மையுள்ள அரிசி, தேங்காய், கூலா மெலாக்கா என்ற கருப்பட்டி வெல்லம் ஆகியவை கொண்டு தயாரிக்கப்படுகின்றன.
சீன சமூகத்தினரிடையே தயாரிக்கப்படும் குவேக்களில் வேர்க்கடலை, பாசிப் பருப்பு, சிவப்பு பீன் போன்றவை இருக்கும்.
5. சிங்கே அணிவகுப்பு
கடந்த 1972ஆம் ஆண்டு ஜூன் மாதம் பட்டாசு தடைசெய்யப்பட்ட பின்னர், அப்போதைய பிரதமர் லீ குவான் இயூவின் ஆலோசனையைத் தொடர்ந்து, சீனப் புத்தாண்டு சமயத்தில் பண்டிகைக்கால உற்சாகத்தைக் கூட்ட, சிங்கப்பூரின் முதல் நவீன சிங்கே அணிவகுப்பு 1973ஆம் ஆண்டு பிப்ரவரி மாதத்தில் நடைபெற்றது.
இன்றைய சூழலில் பள்ளிகள் மற்றும் சமூக அமைப்புகள் போன்ற பல்வேறு குழுக்களின் கலைஞர்களும் சிங்கே அணிவகுப்பு நிகழ்வுகளில் சேர்த்துக்கொள்ளப்படுகின்றனர்.
6. ஆர்க்கிட் தோட்டம்
தேசிய ஆர்க்கிட் தோட்டம் உலகின் மிகப்பெரிய ஆர்க்கிட் தோட்டங்களுள் ஒன்றாக விளங்குகிறது. இங்கு 1,000க்கும் மேற்பட்ட ரகங்களைக் கொண்ட ஆர்க்கிட் மலர்களும் 2,000 கலப்பினங்களும் உள்ளன.
7. பாரம்பரிய மருத்துவ முறை
பல்லின சமூகத்தில் பலவிதமான பாரம்பரிய மருத்துவங்கள் நடைமுறையில் உள்ளன. 2,000 ஆண்டுகளுக்கு முந்தைய பாரம்பரிய சீன மருத்துவ முறை யிலான 'அக்கியூபஞ்சர்' குத்தூசி தொழில்நுட்பத்தை உள்ளடக்கியது.
மலாய் மருத்துவ முறை உடற்பிடிப்பு சிசிச்சை, ஜாமு போன்ற மூலிகை மருந்துகளைப் பயன்படுத்துகிறது.
இந்திய மருத்துவத்தின் ஒரு பிரிவான ஆயுர்வேதம், ஒருவரது உடலின் சமநிலையை மீட்டெடுக்க மூலிகைகள், மசாலாப் பொருள்கள், உடற்பிடிப்பு சிகிச்சை, தியானம் உள்ளிட்ட முறை களைப் பயன்படுத்துகிறது.
8. தைப்பூசம்
தைப்பூசத் திருவிழா வீரம், சக்தி நல்லொழுக்கத்தைக் குறிக்கும் இந்துக் கடவுளான முருகனை நினைந்து வணங் கப்படுகிறது. இந்தத் திருநாளின்போது, பால் குடங்களை பக்தர்கள் சுமந்து சென்று நேர்த்திக்கடன் செலுத்துகின்றனர். அதேபோல், முருகனுக்கு காவடிகள் எடுத்தும் நன்றி தெரிவிக்கின்றனர்.
9. யூஷெங்
சீனப் புத்தாண்டு முழுவதும் குடும்பம், நண்பர்களுடன் லோஹே செய்யப்படுகிறது. பச்சை மீன் மற்றும் பிற மங்களகரமான பொருட்களைக்கொண்டு தயாரிக்கப்பட்ட உணவை, உணவு உண்ணும் குச்சிகளில் பிடித்து உயரமாகத் தூக்கி கீழே போடுவது லோஹே என்று அழைக்கப்படுகிறது. பச்சை மீனை யூஷெங் என்று அழைப்பார்கள்.
10. மணி வேலைகள், பூப்பின்னல் முறை
பெரானாக்கன் எம்ப்ராய்டரி என்ற பூப்பின்னல் முறை, சீனப் பூப்பின்னல் பாரம்பரிய முறையைப் பின்பற்றி செய்யப்படுகிறது. சிறு சிறு வண்ணக் கண்ணாடிகள், உலோக விதைகளைக் கொண்டு மணி வேலைப்பாடுகளைச் செய்கின்றனர். தனித்தனியாக தைப்பது அல்லது அவற்றை ஒன்றாக நூலில் கட்டுவது போன்ற பல்வேறு முறைகளைப் பயன்படுத்தி மணிகள் ஒட்டப்படுகின்றன.
சிங்கே அணிவகுப்பு இன்றைய சூழலில் பல்வேறு பள்ளிகள், சமூக அமைப்புகளைச் சேர்ந்த கலைஞர்களை உள்ளடக்கிய ஒரு பல்லின கலாசாரமாக மாறியுள்ளது.
படம்: ஸ்ட்ரெய்ட்ஸ் டைம்ஸ்
ஆதாரம்: ROOTS.GOV.SG,
செய்தி: நிங் கெங் ஜீன்