மாணவர் முரசு
இ-பேப்பர்
உயர் ரத்த அழுத்தத்தைக் குறைக்க பொட்டாசியம் நிறைந்த உணவுகள் மிக முக்கியம். அன்னாசிப் பழத்தில் அதிக அளவில் பொட்டாசியம் சத்து நிறைந்துள்ளதால், ரத்த அழுத்தத்தை கட்டுப்படுத்த முடியும்.
அன்னாசியில் வைட்டமின்-சி சத்து அதிக அளவில் உள்ளது. அதேசமயம் நோய் எதிர்ப்பு சக்தியும் நிறைந்துள்ளது. இதனை தினமும் உண்டு வந்தால் நோய் எதிர்ப்பு மண்டலம் வலுவடையும்.
உடல் காயங்களும் வெகுவிரைவில் ஆறும். அன்னாசிப் பழத்தில் அதிக அளவில் உள்ள கால்சியம் மற்றும் மெக்னீசியம் சத்து எலும்புகளின் வலிமையை அதிகரிக்கிறது.
இப்பழத்தில் நார்ச்சத்தும் நிறைந்துள்ளது. அதனால் ஜீரண மண்டலத்தை அது வலுப்படுத்துகிறது. அதே சமயம் நார்ச்சத்துகள் உடலில் உள்ள தேவையற்ற கொழுப்புகளை கரைக்கக் கூடியவை என்பதால், உடல் எடையைக் குறைக்க முடியும்.
அன்னாசிப் பழத்தில் அதிக அளவில் வைட்டமின்-ஏ சத்தும் நிறைந்துள்ளது. வைட்டமின்-ஏ சத்து, பார்வைக் குறைபாடு ஏற்படாமல் தடுக்க உதவுகிறது. மேலும் பார்வைக் கோளாறு, மாலை கண் நோய் போன்ற பிரச்சினைகள் ஏற்படாமலும் தடுக்கிறது.