ஆஸ்கார் விருது: சிறந்த நடிகர், நடிகை தேர்வு

உல­கமே ஆவ­லு­டன் எதிர்­பார்த்­துக் கொண்­டி­ருந்த 94வது ஆஸ்­கார் விரு­து­கள் வழங்­கும் விழா அமெ­ரிக்­கா­வின் லாஸ் ஏஞ்­சல்ஸ் நக­ரில் கோலா­க­ல­மாக நடை­பெற்று வரு­கிறது.

மொத்­தம் 24 பிரி­வு­க­ளுக்கு ஆஸ்­கார் விரு­து­கள் வழங்­கப்­பட்டு வரு­கின்­றன.

சிறந்த திரைப்­ப­டம், சிறந்த திரைக்­கதை, சிறந்த ஒளிப்­ப­திவு, சிறந்த இயக்­கம், சிறந்த நடி­கர்­கள், சிறந்த ஆடை வடி­வ­மைப்பு, சிறந்த எடிட்­டிங், சிறந்த விஷு­வல் எஃபெக்ட்ஸ் உள்­ளிட்ட பல பிரி­வு­க­ளுக்கு விரு­து­கள் வழங்­கப்­ப­டு­கின்­றன.

சிறந்த நடி­கர், நடிகை

பிர­பல ஹாலி­வுட் நடி­கர் வில் ஸ்மித் முதன்­மு­றை­யாக ஆஸ்­கார் விருதை வென்­றுள்­ளார்.

'கிங் ரிச்­சர்டு' படத்­தில் நடித்­த­தற்­காக அவ­ருக்கு சிறந்த நடி­க­ருக்­கான விருது கிடைத்­துள்­ளது.

'தி ஐய்ஸ் ஆஃப் டாமி பேய்' என்ற திரைப்­ப­டத்­தில் நடித்த ஜெசிகா சாஸ்­டெய்ன் சிறந்த நடி­கை­யா­கத் தேர்வு செய்­யப்­பட்­டுள்­ளார்.

சிறந்த துணை நடி­க­ருக்­கான விரு­தினை டிராய் கோட்­சர் பெற்­றார்.

சிறந்த துணை நடி­கைக்­கான விரு­தினை அரி­யானா டிபோஸ் வென்­றார்.

சிறந்த பாட­லுக்­கான விருது ஜேம்ஸ் ­பாண்ட் நடித்த 'நோ டைம் டூ டை'க்கு கிடைத்­துள்­ளது.

'தி பவர் ஆப் தி டாக்' படத்தை இயக்­கி­ய­தற்­காக சிறந்த இயக்­கு­நராக ஜேன் கேம்­பி­யன் விருது வென்­றார்.

சிறந்த திரைப்­ப­டம்

'ஷியான் ஹெட்­டர்' இயக்­கிய 'கோடா' திரைப்­ப­டம் சிறந்த திரைப்­ப­ட­மாகத் தேர்வு செய்­யப்­பட்டுள்ளது. இது பிரெஞ்ச் படத்­தின் மறு­ப­திப்பு. இந்த விருதை 'கோடா' நடி­கர்­களும் குழு­வி­ன­ரும் பெற்­றுக்­கொண்­ட­னர்.

'என்­கான்டோ' (Encanto) படத்­திற்கு சிறந்த அனி­மே­ஷன் விருது கிடைத்­துள்­ளது. பைரன் ஹோவார்ட், ஜேம்ஸ் புஷ் இணைந்து இந்­தப் படத்தை இயக்கி இருந்­த­னர்.

ஆறு விரு­து­கள் பெற்ற படம்

ஒளிப்­ப­திவு, இசை, விஷூ­வல் எஃபெக்ட்ஸ், ஒரி­ஜி­னல் ஸ்கோர், படத்­தொ­குப்பு, புரொ­டக்­சன் டிசை­னிங் ஆகிய பிரி­வு­களில் 'டியூன்' (DUNE) திரைப்­ப­டத்­திற்கு ஆறு விரு­து­கள் வழங்­கப்­பட்­டுள்­ளன.

சிறந்த ஒளிப்­ப­தி­வா­ள­ருக்­கான ஆஸ்­கார் விருதை இப்­ப­டத்­திற்­காக கிரேக் ஃபிரேசர் வென்­றார்.

சிறந்த இசை­ய­மைப்­பா­ள­ருக்­கான ஆஸ்­கார் விருதை 'டியூன்' படத்­திற்­காக மேக் ரூத், மார்க் மங்­கினி, தியோ கிரீன், டக் ஹெம்­பில், ரான் பார்ட்­லெட் ஆகிய ஐவ­ரும் பெற்­றுக்­கொண்­ட­னர்.

சிறந்த திரைக்­க­தைக்­கான ஆஸ்­கார் விருதை 'பெல்­ஃபாஸ்ட்' படத்­திற்­காக கென்­னித் பிர­னாக் வென்­றுள்­ளார்.

குறும்­ப­டத்­திற்­கான ஆஸ்­கார் விருதை 'தி லாங் குட்பை' வென்­றுள்­ளது.

சிறந்த ஆடை வடி­வ­மைப்­பா­ள­ருக்­கான ஆஸ்­கர் விருதை 'க்ரூல்லா' திரைப்­ப­டத்­திற்­காக ஜென்னி பெவன் வென்­றார்.

இந்­தி­ய­ருக்கு விருது

சிறந்த விஷு­வல் எஃபெக்ட்­டுக்­கான ஆஸ்­கர் விருைத 'டியூன்' படத்­திற்­காக நால்­வர் பெற்­றுக்­கொண்­ட­னர். இவர்­களில் நமித் மல்­கோத்ரா என்­னும் இந்­தி­ய­ரும் ஒரு­வர். லண்­ட­னைத் தலை­மை­யி­ட­மா­கக் கொண்­டுள்ள இவ­ரது நிறு­வ­னம் 'டியூன்' படத்­திற்கு விஷு­வல் எஃபெக்ட் பணி­களைச் செய்­துள்­ளது. இவ­ரது நிறு­வ­னம் வாங்­கும் 7வது ஆஸ்­கார் விருது இது­வா­கும்.