சமய நல்லிணக்கம் வளர இந்து, கிறிஸ்துவ, இஸ்லாம் முறை திருமணம்

திருமணங்கள் வானத்தில் பறந்தபடி, கடல் நீருக்கடியில் என அவ்வப்போது வித்தியாசமான முறையில் நடந்து வருகின்றன. இப்போது, இந்து, கிறிஸ்துவ, இஸ்­லாம் திரு­மண முறை­க­ளைப் பின்­பற்றி ஒரு தம்­ப­தி­யர் புது­மை­யான முறை­யில் திரு­ம­ணம் செய்து கொண்­டுள்­ள­னர்.

இஸ்­லாம் முறைப்­படி நிக்­கா­வும் கிறிஸ்துவ முறைப்­படி பரி­சுத்த விவா­க­மும் இந்து பாரம்பரிய முறைப்படி மாங்­கல்­யமும் கட்டி ஒரு ஜோடியின் திரு­ம­ண­ம் நடந்து உள்ளது.

அனைவரது கவனத்தையும் ஈர்த்துள்ள இந்தத் திரு­ம­ணம் தமிழ்­நாட்­டில் உள்ள மயி­லா­டு­து­றை மாவட்டத்தில் நடந்­துள்­ளது.

கிராம நிர்­வாக அலு­வ­ல­ரா­கப் பணி­யாற்றி வரும் புரு­ஷோத்­த­மன் என்ற இளை­ஞ­ருக்கும் புவ­னேஷ்­வரி என்ற பெண்­ணுக்­கும் திரு­மண நிச்சயதார்த்தம் நடந்தது.

மத நல்­லி­ணக்­கத்தை வெளிப்­படுத்­தும் வகையில் தனது திரு­ம­ணத்தை வித்­தி­யாசமான முறை­யி­ல் நடத்த விரும்புவதாகப் பெற் றோரிடம் கூறி அனுமதி பெற்ற புரு­ஷோத்­த­மன், மூன்று மதங்­களின் முறைப்­படி­யும் பத்திரிகைகள் அடித்து அனைவருக்கும் வழங்கி­யுள்­ளார்.

இதையடுத்து, இம்மாதம் 26ஆம் தேதி இஸ்­லாம், கிறிஸ்துவ முறைப்­படி­யும் 27ஆம் தேதி இந்து முறைப்­படி­யும் திரு­ம­ணம் செய்துகொண்­ட­னர்.

இந்த திரு­ம­ணம் குறித்து மாப்­பிள்ளை புரு­ஷோத்­த­மன் கூறும்­போது, "எனக்கு முஸ்­லிம், கிறிஸ் துவ நண்­பர்­கள் அதி­கம். சமய நல்­லி­ணக்­கத்தை ஏற்­ப­டுத்­த­வும் தமி­ழ­கத்­தில் அனைத்து சமயத்தைச் சேர்ந்ேதாரும் ஒற்­று­மை­யு­டன் இருப்­பதை வெளிப்­படுத்­தவும் இப்­படி ஒரு திரு­ம­ணத்தை நடத்­தி­னேன்," என்று பெருைமயுடன் கூறுகிறார்.

சின்ன வய­தி­லி­ருந்தே இஸ்­லா­மி­யர், கிறிஸ்­து­வர் என அனைத்து சமூக மக்­க­ளு­டன் புரு­ஷோத்­த­மன் நட்புடன் பழகி வந்­துள்­ளார். எல்லா மத­மும் சம்­ம­தம் என்ற ரீதி­யி­லேயே இவ­ரு­டைய கொள்­கை­யும் வாழ்க்­கை­யும் இருந்­துள்­ளது.

இந்தியாவில் முதன்முதலாக எடுக்கப்பட்டுள்ள இம்முயற்சி, தமிழகத்தில் எந்த சமயத்திலும் சமயம் சார்ந்த மோதல்கள் வராமல் இருக்க இதுபோன்ற திருமணங்கள் மேன்மேலும் அரணாக இருக்கும் என்று திருமணத்துக்கு வந்த அனைவரும் வரவேற்று பாராட்டி உள்ளனர்.