திட்டமிட்ட பயணம் சிரமத்தைக் குறைக்கும்

ஜூன் விடு­மு­றைக்­கா­லம் நெருங்கி­விட்­டது! கொவிட்-19 கட்­டுப்­பா­டு­கள் பெரும்­பா­லும் தளர்த்­தப்­பட்­டு­விட, கடந்த ஈராண்­டு­க­ளாக உல்­லா­சப் பய­ணம் மேற்­கொள்ள முடி­யா­தி­ருந்த நிலை­யும் மாறி­விட்­ட­தால் பல­ரும் பய­ணம் செய்ய ஆவ­லு­டன் காத்­தி­ருப்­பர். இந்­நி­லை­யில், திட்­ட­மிட்டு ஆயத்­த­மா­வ­தன்­மூ­லம் பய­ணத்­தின்­போது ஏற்­பட வாய்ப்­புள்ள சிர­மங்­க­ளைத் தவிர்க்­க­லாம் அல்­லது குறைக்­க­லாம்.

நீண்ட காத்திருப்பு நேரம்

ஆவ­ணங்­கள் சரி­பார்ப்­பிற்­கா­க­வும் பாது­காப்­புக் கார­ணங்­க­ளுக்­கா­க­வும் விமான நிலை­யத்­தில் அதிக நேரம் காத்­தி­ருக்க வேண்­டி­யி­ருக்­கலாம்.

தற்­ப­திவு இயந்­தி­ரங்­கள் (self check-in kiosk) மூல­மாக பய­ணத்­திற்கு முந்­திய நடை­மு­றை­களை விரைந்து முடிக்­க­வும் இய­லாது. ஏனெ­னில், கொவிட்-19 தடுப்­பூ­சிச் சான்­றி­தழ், பயண உறு­தி­மொழி, கொவிட்-19 தொற்று இல்லை என்­ப­தற்­கான பரி­சோ­தனை முடி­வு­கள் போன்ற ஆவ­ணங்­க­ளைப் பதிவு முக­வர்­கள் (check-in agents) சரி­பார்ப்­பர்.

விமான நிறு­வ­னங்­களும் விமான சேவை நிறு­வ­னங்­களும் ஊழி­யர் பற்­றாக்­கு­றையை எதிர்­கொண்டு வரு­கின்­றன.

கடந்த மாதம் தென்­கொ­ரி­யா­வில் இருந்து திரும்­பி­ய­போது பய­ணப் பதி­விற்­காக இரண்டு மணி நேரம் வரி­சை­யில் காத்­தி­ருந்­த­தா­கக் கூறி­னார் சுகா­தா­ரப்­ப­ரா­ம­ரிப்பு நிர்­வா­கி­யான சேமு­வல் கோ. தமது விமா­னத்­தின் புறப்­பாட்டு நேரத்­திற்கு இரண்­டரை மணி நேரத்­திற்கு முன்பே அவர் சோல் நக­ரின் இஞ்­சி­யோன் விமான நிலை­யத்­திற்குச் சென்­று­விட்­டார்.

சிங்­கப்­பூ­ரில் இருந்து தென்­கொரி­யா­விற்­குக் கிளம்­பி­ய­போது சாங்கி விமான நிலை­யத்­தில் பய­ணப் பதிவு நடை­மு­றை­க­ளுக்­காக அவர் 45 நிமி­டங்­கள் காத்­தி­ருந்­தார். கொவிட்-19 பர­வ­லுக்கு முன்­பி­ருந்த நிலை­மை­யைக் காட்­டி­லும் இது 30 நிமி­டங்­கள் அதி­கம் என்­பது அவ­ரது மதிப்­பீடு.

கொவிட்-19 பர­வ­லுக்­கு­முன் அனைத்­து­லக விமா­னம் எனில் இரண்டு மணி நேரம் முன்­ன­தா­க­வும் உள்­ளூர் விமா­னம் எனில் ஒன்­றரை மணி நேரம் முன்­ன­தா­க­வும் சென்­றால் போது­மா­னது. ஆனால், இப்­போது, விமான நிலை­யக் கடை­களில் ஏதே­னும் பொருள் வாங்­கு­வ­தாக இருந்­தால் அல்­லது ஜிஎஸ்டி திரும்­பப் பெறு­வ­தாக இருந்­தால் இன்­னும் ஒரு மணி நேரத்­திற்கு முன்­ன­தா­கவே செல்­வது நல்­லது.

பய­ணப் பதிவு நடை­மு­றை­களை இணை­யம் வழி­யா­கச் செய்­து­வி­ட­லாம். அதன்­வ­ழி­யாக கொவிட்-19 தடுப்­பூ­சிச் சான்­றி­தழ் அல்­லது கொவிட்-19 தொற்று இல்லை என்­ப­தற்­கான பரி­சோ­தனை முடி­வு­கள் போன்­ற­வற்­றைப் பதி­வேற்­றம் செய்து­வி­ட­லாம். இத­னால் விமான நிலை­யத்­தில் காத்­தி­ருப்பு நேரம் குறை­வ­து­டன் எல்லா ஆவ­ணங்­களும் முறை­யாக உள்­ளன என்ற மன­நிம்­ம­தி­யு­ட­னும் இருக்­க­லாம்.

நிரம்பி வழியும் விமானங்கள்

தடுப்­பூசி போட்­டுக்­கொண்­டோ­ருக்­கான பய­ணப் பாதைத் திட்­டங்­கள் கடந்த செப்­டம்­ப­ரில் தொடங்­கப்­பட்­ட­போது, விமா­னங்­களில் இருக்­கை­கள் முழு­மை­யாக நிரம்­ப­வில்லை. இத­னால், நெருக்­க­டி­யின்றி விமா­னங்­களில் பய­ணம் செய்ய முடிந்­தது.

ஆனால், இப்­போ­தெல்­லாம் விமா­னங்­களில் இருக்­கை­கள் முழு­மை­யாக நிரம்­பி­வி­டு­வ­தால், இருக்­கை­யின் கைதாங்­கி­யில் வைக்­கும்­போது அரு­கி­லுள்ள பய­ணி­யு­டன் முழங்கை இடிக்க நேரி­ட­லாம்.

பேங்­காக், பாலி, ஆஸ்­தி­ரே­லியா, தென்­கொ­ரியா போன்ற இடங்­களுக்­கான விமா­னங்­கள், குறிப்­பாக நீண்ட வார­யி­றுதி போன்ற உச்­ச­வே­ளை­களில், முழு­மை­யாக நிரம்பி­வி­டு­வ­தா­கப் பய­ணி­களும் சிங்­கப்­பூர் ஏர்­லைன்ஸ் விமா­னப் பணி­யா­ளர்­களும் தெரி­வித்­த­தாக ஸ்ட்­ரெய்ட்ஸ் டைம்ஸ் செய்தி கூறி­யது.

ஜூன் விடு­மு­றை­யின்­போது இதே நிலையை எதிர்­பார்க்­க­லாம்.

ஐரோப்­பா­வி­லும் வட­அ­மெ­ரிக்­கா­வி­லும் கடந்த ஆண்­டி­லி­ருந்தே உள்­நாட்டு விமா­னப் பய­ணம் சூடு­பி­டிக்­கத் தொடங்­கி­விட்­டது. விமா­னங்­கள் பெரும்­பா­லும் நிரம்­பி­வி­டு­கின்­றன. முகக்­க­வச விதி­மு­றை­கள் மாறிக்­கொண்டே இருக்­கின்­றன.

ஜெட்­புளூ, டெல்டா ஏர்­லைன்ஸ் உள்­ளிட்ட முக்­கிய அமெ­ரிக்க விமான சேவை நிறு­வ­னங்­கள், விமா­னப் பய­ணத்­தின்­போது முகக்­க­வ­சம் அணி­வது பய­ணி­களின் விருப்­பம் என்று கடந்த மாதம் அறி­வித்­து­விட்­டன.

பிரான்ஸ், பிரிட்­டன் போன்ற பல ஐரோப்­பிய நாடு­களும் விமா­னம் உட்­பட பொதுப் போக்­கு­வ­ரத்­தில் பய­ணம் செய்­யும்­போது முகக்­க­வ­சம் அணி­வது கட்­டா­ய­மல்ல என்று அறி­வித்­து­விட்­டன.

ஆனால், இத்­தா­லி­யில் விமா­னம் உட்­பட பொதுப் போக்­கு­வ­ரத்­தில் பய­ணம் செய்­யும்­போது கட்­டா­யம் முகக்­க­வ­சம் அணிய வேண்­டும்.

அத­னால், பய­ணம் செய்­யும் விமா­னம், செல்­லும் நாடு போன்­ற­வற்­றில் முகக்­க­வச விதி­மு­றை­களை அறிந்து வைத்­தி­ருப்­பது நல்­லது.

அதே­போல், வார நாள்­களில் பய­ணம் செய்­தால் விமா­னக் கட்­ட­ணம் குறை­வாக இருக்க அதிக வாய்ப்­புண்டு.

காலை 5-7 மணிக்­குள் அல்­லது இரவு 9 மணிக்­குப் பிறகு விமா­னம் கிளம்­பி­னால் அரு­கி­லுள்ள இருக்கை காலி­யாக இருக்­க­வும் வாய்ப்­புண்டு.

குழந்­தை­களை அழைத்­துச் சென்­றால் அவர்­கள் சலிப்­புற்­று­விடா­மல் இருக்க தின்­பண்­டங்­கள், விளை­யாட்­டுப் பொருள்­கள், புத்­த­கங்­கள் போன்­ற­வற்றை எடுத்­துச்­செல்­வது நல்­லது.

மாறுபட்ட விதிமுறைகள்

நாடு­களும் மாநி­லங்­களும் மாறு­பட்ட கொவிட்-19 விதி­மு­றை­களை நடை­மு­றைப்­ப­டுத்தி இருக்­க­லாம்.

ஐரோப்­பா­வின் பல பகு­தி­களும் வட­அ­மெ­ரிக்­கா­வும் கட்­டாய முகக்­கவச விதியை அகற்­றி­விட்­டன. ஆனா­லும், சில கடை­களில் வாடிக்­கை­யா­ளர்­கள் முகக்­க­வ­சம் அணிய வேண்­டி­யி­ருக்­க­லாம்.

ஆஸ்­தி­ரே­லி­யா­வில் பொதுப் போக்­கு­வ­ரத்து போன்ற சில சூழல்­களில் கட்­டாய முகக்­க­வ­சம் அணிய வேண்­டும் என்ற விதி நடப்­பி­லுள்­ளது.

அதே­போல, சில நாடு­க­ளி­லும் மாநி­லங்­க­ளி­லும் கொவிட்-19 தடுப்­பூசி போட்­டுக்­கொண்­ட­தற்­கான சான்­றைக் காட்­டி­னால் மட்­டுமே உண­வ­கங்­கள், கடை­கள், மன்­றங்­கள் போன்ற இடங்­க­ளுக்­குச் செல்ல அனு­மதி அளிக்­கப்­படும்.

அத­னால், வேறு நாடு­க­ளுக்கு அல்­லது நக­ரங்­க­ளுக்­குச் செல்­லு­முன் அங்கு நடப்­பி­லுள்ள கொவிட்-19 கட்­டுப்­பா­டு­களை அதி­கா­ர­பூர்வ இணை­யத்­த­ளம் மூல­மாக அறிந்­து­கொள்­ளுங்­கள். இல்­லா­விடில், எப்­போ­தும் முகக்­க­வ­சம் அணிந்­தி­ருப்­பது பாது­காப்­பா­னது.

எப்­போ­தும் தடுப்­பூ­சிச் சான்­றிதழ் நகலை அல்­லது மின்­னி­லக்­கத் தடுப்­பூ­சிச் சான்­றி­தழை வைத்­திருப்­பது நல்­லது. அத்­து­டன், அது உங்­களு­டை­ய­து­தான் என்­பதை உறு­திப்­ப­டுத்­து­வ­தற்கு அடை­யாள அட்டை போன்ற ஆவ­ணத்­தை­யும் வைத்­தி­ருங்­கள்.

அதிகமான கார் வாடகை

கொவிட்-19 பர­வ­லுக்­குப் பிறகு கார் வாடகை அதி­க­ரித்­து­விட்­டது. பல­ரும் பொதுப் போக்­கு­வ­ரத்­தைத் தவிர்க்க விரும்­பு­வ­தால் வாடகை கார்­க­ளுக்­கான தேவை­யும் கூடி­விட்­டது. விநியோகச் சங்கிலி இடையூறால் கார் பற்றாக்குறை நிலவுவதாகவும் கூறப்படுகிறது.

அமெ­ரிக்­கா­வில், இவ்­வாண்டு மார்ச் முதல் செப்­டம்­ப­ருக்கு இடை­யில், ஒரு­வர் வாடகை காரை நாடி­னால், அதற்கு 2019ல் இருந்­த­தைப்­போல 50% முதல் 60% கூடு­தல் கட்­ட­ணம் செலுத்த வேண்­டி­யி­ருக்­கும் என்று பயண விவ­ரத் தொகுப்பு நிறு­வ­ன­மான 'கயாக்' தெரி­வித்­து உள்­ளது.

அத்­து­டன், ரஷ்யா-உக்­ரேன் சண்டை கார­ண­மாக, இவ்­வாண்­டில் எரி­பொ­ருள் விலை­யும் தொடர்ந்து ஏறு­மு­கத்­தில் இருக்­க­லாம் என எதிர்­பார்க்­கப்­ப­டு­கிறது.

அத­னால், வாடகை காரை நாடு­வ­தற்­குப் பதி­லாக கார் பகிர்வு சேவை­க­ளைப் பயன்­ப­டுத்­து­வ­தன் மூலம் செல­வைக் குறைக்­க­லாம்.

முடிந்­தால், எரி­பொ­ருள் செயல்­தி­றன்­மிக்க அல்­லது எரி­பொ­ரு­ளி­லும் மின்­சா­ரத்­தி­லும் இயங்­கும் கலப்­பின கார்­களை நாட­லாம். அதே­போல், அமெ­ரிக்­கா­வி­லும் கன­டா­வி­லும் எரி­பொ­ருள் விலை வெவ்­வேறு நக­ரங்­களில், வெவ்­வேறாக இருக்­க­லாம். கிட்­டத்­தட்ட 30% வரை ஏற்ற இறக்­க­மாக இருக்­கும் எனக் கூறப்­ப­டு­கிறது.

நீங்­காத தொற்று அபா­யம்

கொவிட்-19 பர­வல் தணிந்­துள்­ளதேயன்றி, இன்­னும் முழு­மை­யாக அக­ல­வில்லை. புதிது புதி­தாக ஓமிக்­ரான் துணைத் திரி­பு­கள் உரு­வெ­டுப்­ப­தால், புதிய தொற்று அலை­யும் உரு­வா­க­லாம். அத­னால், வெளி­நாட்­டுப் பய­ணத்­தில் தொற்று அபா­யம் இல்­லா­மல் இல்லை.

இந்­நாள்­களில் கொவிட்-19 தொற்று பெரும்­பா­லும் உயி­ருக்கு அச்­சு­றுத்­த­லாக இருப்­ப­தில்லை. ஆனா­லும், அது உங்­க­ளது விடு­மு­றைப் பய­ணத் திட்­டத்­தில் பாதிப்பை ஏற்­ப­டுத்­தி­வி­ட­லாம்.

அத­னால், எப்­போ­தும் முன்­னெச்­ச­ரிக்­கை­யு­ட­னும் ஆயத்­த­மா­க­வும் இருப்­பது சிறந்­தது. விரை­வுப் பரி­சோ­த­னைக் கரு­வி­கள் (ஏஆர்டி), மருத்­து­வத் தரத்­தி­லான முகக்­க­வ­சங்­கள், காய்ச்­சல், சளி போன்ற வற்றுக்கான மருந்­து­ மாத்திரைகள் போன்­ற­வற்றைக் கையில் வைத்து இருப்பது நல்லது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!