மாணவர் முரசு
இ-பேப்பர்
வைட்டமின் டி குறைபாட்டுக்கும் மறதிநோய், வாதம் ஆகியவை ஏற்படும் அபாயம் கூடுவதற்கும் தொடர்பு இருப்பதாக புதிய ஆய்வு ஒன்று தெரிவித்துள்ளது.
தென் ஆஸ்திரேலியப் பல் கலைக்கழகத்தின் ஆய்வாளர்கள் அந்த ஆய்வை மேற்கொண்டனர். அது அமெரிக்க மருத்துவச் சத்துணவு சஞ்சிகை யில் வெளியிடப்பட்டுள்ளது.
வைட்டமின் டி எலும்புகளின் உறுதிக்கும் எதிர்ப்புசக்திக்கும் முக்கியம் என்று பலரும் அறிவோம். வைட்டமின் டி குறை பாட்டுக்கும் நீரிழிவு நோய், இதயக் கோளாறு, மூச்சுப் பிரச்சினைகள் போன்றவற்றுக்கும் தொடர்பு உள்ளதாக ஆய்வுகள் கூறுகின்றன.
தற்போது மறதிநோயையும் வாதநோயையும் இந்தப் பட்டியலில் சேர்த்துள்ளது தென் ஆஸ்திரேலியப் பல்கலைக்கழகத்தின் ஆய்வு. பிரிட்டனின் உயர் மருத்துவத் -தரவுவங்கியிலிருந்து 295,000 பேரின் மரபணுக் கூறுகளும் அவர்களின் மூளையின் நரம்பணுப் படங்களும் இதில் ஆராயப்பட்டன.
வைட்டமின் டி குறைவாக இருப்பவர்களுக்கு மூளையின் அளவு சிறியதாக இருந்தது ஆய்வில் தெரியவந்தது.
அத்துடன், மரபணுக் கூறுகளை ஆய்ந்து பார்த்தபோது வைட்டமின் டி குறைபாடு மறதி நோய்க்கு காரணமாக இருந்ததும் கண்டுபிடிக்கப்பட்டது.
இதை உறுதிப்படுத்த கூடுதல் ஆய்வுகளை ஆய்வாளர்கள் திட்டமிட்டு வருகின்றனர்.
