மாணவர் முரசு
இ-பேப்பர்
தெம்பனிஸ் சென்ட்ரல் புளோக் 503ல் டுரியான் பழத்தை வாங்க நிற்கும் மக்கள் கூட்டம்.
ஜூன் முதல் ஆகஸ்ட் மாதங்களில் சிங்கப்பூரில் அதிகம் காணப்படும் பழங்களில் ஒன்று டுரியான். இதைப் பழங்களின் அரசன் என்றும் அழைப்பார்கள்.
அதிகமான சதைப்பற்றுடன் காணப்படும் இந்தப் பழத்தின் மணம் பெரும்பாலானவர்
களுக்கு பிடிக்கும். ஒரு சிலருக்கு அதன் மணம் பிடிக்காது. அத்தகைய சிறப்பு மணம் இந்தப் பழத்திற்கு உண்டு. இந்த மணத்தால் தெம்பனிஸ் சென்ட்ரல் விழாக்கோலம் பூண்டிருக்கிறது.
புளோக் 503ல் இயங்கும் பழக்கடை 24 மணி நேரமும் திறந்து இருப்பதால் பகல், இரவு பாராமல் கூட்டம் அலைமோதுகிறது.
காலையில் சென்றால் புது பழங்களாகவும் பெரிதாகவும் இருக்கும் என்பதால் பலர் அதிகாலையிலேயே வந்து விடுகின்றனர்.
சிலர் குடும்பமாக வந்து பழங்களை வாங்கி அதை வீட்டிற்கு எடுத்துச் சென்று உண்
பதற்கு காத்திருக்காமல் அருகில் இருக்கும் விளையாடு
மிடம், கூடாரம் ஆகியவற்றில் வட்டமாக அமர்ந்து ரசித்து, ருசித்து உண்கின்றனர்.
மலாய்க்காரர்கள், தமிழர்கள் குறைவாகவே வாங்குகின்றனர் என்றும் இந்தப் பழத்தை அதிகம் விரும்பி, வாங்கி உண்
பவர்கள் சீனர்கள்தான் என்றார் அங்கு உணவு உண்டு கொண்டிருந்த திரு ராஜு.
டுரியான் பழங்கள் தென் கிழக்கு ஆசிய நாடுகளைத் தாயகமாகக் கொண்டவை. இந்தப் பழம் சிறிய பலாப்
பழத்தைப்போல இருக்கும்.
பலாப்பழத்தின் வெளிப்
பகுதியில் சிறிய முட்கள் போன்று காணப்படும். ஆனால் டுரியான் பழத்தின் தோலில் கடினமான, கூர்மையான முட்கள் போன்று இருக்கும்.
கவனமாக இதனை வெட்டி எடுத்தால் உள்ளே பலாச்சுளை போன்ற சதைப்பகுதி இருக்கும். அதை அப்படியே உண்ணலாம்.
வெப்ப மண்டல கனி
களான வாழை, பலாபோல டுரியான் பழமும் அதிக பலன்களை உடையது.
டுரியான் பழத்தில் கால்சியம், மாங்கனீஸ், கரோட்டின், கொழுப்பு, இரும்பு, கார்போஹைட்ரேட், தாமிரம், ஃபோலிக் ஆசிட், வைட்டமின் சி, நார்ச்சத்து, துத்தநாகம், நியாசின், புரதம், பாஸ்பரஸ், மக்னீசியம் என பல சத்துகள் இருக்கின்றன.
மலேசிய டுரியான் பழங்களை சிங்கப்பூரர்கள் விரும்பி வாங்குகின்றனர்.
அண்மைகாலமாக மலேசியாவில் இருந்து வரக்கூடிய டுரியான் பழங்களில் சில வகைப் பழங்களின் விலை உயர்ந்திருப்பதாக இந்தப் பழத்தை வாங்கும் சிங்கப்பூரர்கள் குறை கூறி வருகின்றனர்.
மலேசியா மட்டுமல்லாமல், தாய்லாந்து, பிலிப்பீன்ஸ் நாடுகளில் இருந்தும் சிங்கப்பூருக்கு டுரியான் பழங்கள் வருகின்றன.
இந்த ஆண்டு மலேசிய டுரியான் பழங்களின் விலை 40 விழுக்காடு அளவுக்கு அதிகரித்துள்ளது.
மற்ற நாடுகளில் இருந்து இறக்குமதியாகும் டுரியான் பழங்களின் விலை குறைவாக உள்ள போதிலும் சிங்கப்பூர் மக்கள் அவற்றை அதிகம்
வாங்குவதில்லை. காரணம், மலேசிய டுரியான் பழங்களில் காணப்படும் சுவை மற்ற நாடுகளில் இருந்து வரும் பழங்களில் இருப்பதில்லை என்கின்றனர்.
அதன் காரணமாக சிங்கப்பூரர்கள் பலரும் வாய்ப்பு கிடைக்கும்போது எல்லை கடந்து சென்று மலேசியாவின் எல்லை மாநிலமான ஜோகூரில் இருந்து டுரியான் பழங்களை வாங்கி வருகின்றனர்.
இதற்கிடையே, கடந்த ஆண்டு 15 வெள்ளிக்கு விற்கப்பட்ட ஒரு கிலோ மலேசியா டுரியான் பழம், தற்பொழுது 25 வெள்ளிக்கு விற்கப்படுவது குறிப்பிடத்தக்கது.
டுரியான் என் மகளுக்கு மிகவும் பிடிக்கும் என்பதால் இதனை வாங்கினேன். தூக்கிச் செல்லும்போது இதன் முட்கள் காலைப் பதம் பார்க்கும். ஆனாலும் இதன் ருசி வலியை மறக்கச் செய்துவிடும். இதை வெட்டி இதன் சதையை எடுத்து குளிர்சாதனப் பெட்டியில் சிறிது நேரம் வைத்திருந்து உண்டால் அமிர்தம்போல இருக்கும்.
என் குடும்பத்தினர் அனைவரும் டுரியானை விரும்பி உண்போம். அதில் இருக்கும் சுவைக்கு எதுவுமே ஈடாகாது. அந்த மணம் ஒரு சிலருக்குப் பிடிக்காது. ஆனால் எனக்கு இந்த மணம் மிகவும் பிடிக்கும். சதைப்பற்றுடன் இருக்கும் இந்தப் பழத்தின்
ருசியோ ருசி.
தன்னுடைய மகளுக்காக டுரியானை வாங்கும் திருமதி கல்யாணி.
