மருத்துவ பயன்மிக்க மரவள்ளிக்கிழங்கை மறந்தோம்

மர­வள்­ளிக் கிழங்கு சாதா­ர­ணமாக கிடைக்­கும் உண­வுப்­பொ­ரு­ளா­கும். போர்க்காலங்­களில் உணவு கிடைக்­கா­த­போது பல நாடு­களில் மக்­கள் இந்­தக் கிழங்கை சாப்­பிட்டே உயிர்­வாழ்ந்திருக்கிறார்கள்.

இந்தக் கிழங்கு மருத்­து­வ­ரீ­தி­யாக பல பயன்­க­ளைக் கொண்­டது. மர­வள்­ளிக் கிழங்­கில் இருக்­கும் நார்ச்­சத்து, குடல் ஆரோக்­கி­யத்தை மேம்­ப­டுத்­து­வ­து­டன் குட­லில்

தேங்­கி­யி­ருக்­கும் கழி­வு­க­ளை­ வெளி­யேற்ற உத­வு­கிறது. செரி­மான மண்­ட­லத்தை சீராக்கி, மென்­மை­யான குடல் இயக்­கத்­துக்கு வழி­

வ­குக்­கிறது.

கண் பார்வை பிரச்சினைக்கு முக்­கிய கார­ணம் கைத்­தொ­லை­பேசி, கணிணி முன்பு நீண்ட நேரம் அமர்ந்­தி­ருப்­பது. அத­னால் கண்­களில் வறட்சி ஏற்­பட்டு பார்­வைக் குறை­பாடு அதிகம் ஏற்படுகிறது. இந்தக் குறைபாட்டை நீக்க வைட்­ட­மின் 'ஏ' நிறைந்த உண­வு­களை எடுத்­துக்­கொள்­ள வேண்டும்.

மர­வள்­ளிக் கிழங்­கில் வைட்­ட­மின் 'ஏ' நிறைந்­தி­ருக்­கிறது. இதில் இருக்­கும் 'போலேட்', வைட்­ட­மின் 'சி' ஆகி­ய­வை­யும் உட­லின் நோய் எதிர்ப்பு சக்­தியை வலு­வாக்­கு­கிறது. நோய்க் கிருமிகளை எதிர்த்து போரா­டும் ஆன்­டி­ஆக்­சி­டன்­டு­களும் மர­வள்­ளிக்­கி­ழங்­கில் இருக்­கின்­றன.

உடல் பரு­ம­னைக் குறைப்­ப­தில் அதிக பங்­காற்­று­கிறது. உடல் எடையை இயற்­கை­யாக குறைக்க விரும்­பு­ப­வர்­கள் மர­வள்­ளிக் கிழங்கை அன்­றாட உண­வில் சேர்த்துக்­கொண்­டால் போதும். அதில் இருக்­கும் நார்ச்­சத்து உட­லில் உள்ள கெட்ட கொழுப்­பு­களை அகற்றி உடல் எடையை குறைக்க உத­வும்.

தலை­வலி, முது­கு­வலி பிரச்­சி­னை­க­ளால் அவ­திப்­ப­டு­ப­வர்­கள் கிழங்கை இரண்டு மணி­நே­ரம் தண்­ணீ­ரில் ஊற­வைத்து பின்­னர் அரைத்து நாள் ஒன்­றுக்கு இரு­முறை பானமாக பரு­கி­னால் இந்­தப் பிரச்­சி­னை­களில் இருந்து நிவா­ர­ணம் பெற­லாம்.

மேலும் மரவள்ளிக் கிழங்கு ஞாபக மற­தியை குறைப்­ப­து­டன் ரத்­தத்­தில் அதிக அளவில் சிவப்­ப­ணுக்­களை உற்­பத்தி செய்ய வைக்கும். மர­வள்ளி கிழங்­கில் உரு­வாக்­கப்­படும் ஜவ்­வ­ரி­சிக் கஞ்சி வயிற்­றுப் புண் மற்­றும் உடல் சூட்­டைக் குறைக்­கும். மர­வள்ளி கிழங்­கு­களில் இருக்­கும் வைட்­ட­மின் 'கே' மற்­றும் 'கால்­சி­யம்' ஆகி­யவை எலும்­பு­களை வலு­வாக்­கும்.

இத்தனை பலன்கள் கொண்ட மரவள்ளிக் கிழங்கைப் பயன்படுத்தி வடை செய்யலாம் வாருங்கள்.

தேவையானவை:

மரவள்ளிக்கிழங்கு - கால் கிலோ, ஊறவைத்த கடலைப்பருப்பு - 200 கிராம், பச்சரிசி மாவு - ஒரு கைப்பிடி அளவு, இஞ்சி - ஒரு சிறிய துண்டு (தோல் சீவியது), பூண்டு - 10 பல்,

சோம்பு - ஒரு டீஸ்பூன், பட்டை - சிறு துண்டு, கிராம்பு - 2, பச்சை மிளகாய் - 4, காய்ந்த மிளகாய் - 4, புதினா - ஒரு கைப்பிடி அளவு, சிறியதாக வெட்டிய வெங்காயம் - 100 கிராம், உப்பு - தேவைக்கேற்ப, எண்ணெய் - 500 மில்லி.

செய்முறை:

மரவள்ளிக்கிழங்கைத் தோல் சீவி துருவிக் கொள்ளவும். ஊறவைத்த பருப்புடன் இஞ்சி, பூண்டு, சோம்பு, பட்டை, கிராம்பு, பச்சை மிளகாய், காய்ந்த மிளகாய், உப்பு சேர்த்து கொரகொரப்பாக அரைத்துக்கொள்ளவும். பின்பு அதில் துருவிய மரவள்ளிக்கிழங்கு, நறுக்கிய வெங்காயம், புதினா, அரிசி மாவு சேர்த்துப் பிசையவும். வாணலியில் எண்ணெய்விட்டு காய்ந்ததும் மாவை சிறு சிறு வடைகளாகத் தட்டி எண்ணெய்யில் போட்டு எடுக்கவும். மரவள்ளிக்கிழங்கு மசால் வடை தயார். இது தயிர் சாதத்துக்கு சுவையாக இருக்கும். மருத்துவ பயன்மிக்க மரவள்ளிக்கிழங்கை மறக்காமல் உணவில் சேர்ப்போம்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!