மாணவர் முரசு
இ-பேப்பர்
விண்டோஸ் 11 இயங்குதளம் அறிமுகம் கண்டுவிட்டதாலும் விண்டோஸ் 10 பயன்பாட்டில் இருப்பதாலும், அடுத்த ஆண்டு ஜனவரி 10ஆம் தேதியுடன் விண்டோஸ் 8.1 இயங்குதளத்திற்கான ஆதரவுச் சேவைகளை நிறுத்திக்கொள்ளப்போவதாக மைக்ரோசாஃப்ட் நிறுவனம் அறிவித்துள்ளது.
அந்த இயங்குதளத்தை இன்னும் பயன்படுத்தி வருவோருக்கு அடுத்த மாதத்திலிருந்து தனது இம்முடிவு குறித்த விழிப்பூட்டலை அனுப்பவிருப்பதாக மைக்ரோசாஃப்ட் கூறியிருக்கிறது.
"காலாவதி நாளை எட்டிவிட்டதால் விண்டோஸ் 8 அல்லது 8.1 இயங்குதளத்தில் மைக்ரோசாஃப்ட் 365 செயலிகளுக்கான சேவை ஆதரவு இராது. செயல்பாட்டு, நம்பகத்தன்மைப் பிரச்சினைகளைத் தவிர்க்க, புதிய பதிப்பு விண்டோஸ் இயங்குதளத்திற்கு மாறும்படி பரிந்துரைக்கிறோம்," என்று மைக்ரோசாஃப்ட் தெரிவித்துள்ளது.
