புகழ்பெற்ற புகைப்பட மென்பொருளான அடோபி ஃபோட்டோஷாப்பை இணையவாசிகள் அனைவரும் இலவசமாகப் பயன்படுத்தும் வண்ணம், அதனுடைய இலவச இணையப் பதிப்பை வெளியிட அடோபி நிறுவனம் தயாராகி வருகிறது.
சோதனை முயற்சியாக கனடாவில் ஃபோட்டோஷாப் இணையப் பதிப்பை அடோபி நிறுவனம் மதிப்பீடு செய்துவருகிறது என்று அமெரிக்கத் தொழில்நுட்ப இணையத்தளமான 'தி வெர்ஜ்' தெரிவித்துள்ளது.
அடோபி கணக்கு வைத்துள்ளவர்கள், இலவச ஃபோட்டோஷாப் இணையப் பதிப்பைப் பயன்படுத்தலாம் எனச் சொல்லப்படுகிறது. இந்த இலவச சேவைக்கு அடோபி நிறுவனம் ஃபிரீமியம் (freemium) எனப் பெயரிட்டுள்ளது. ஆயினும், கட்டணப் பயனர்களுக்கான பிரீமியம் (premium) பதிப்பில் இடம்பெற்றுள்ள சில அம்சங்கள் இலவசப் பதிப்பில் இருக்காது. இணையம்வழி ஃபோட்டோஷாப்பைப் பயன் படுத்தும் வசதி கடந்த அக்டோபரில் அறிமுகப்படுத்தப்பட்டது.