மாணவர் முரசு
இ-பேப்பர்
தற்பொழுது பல இனத்தவர்களும் விரும்பிப் பார்க்கும் படங்களில்
முக்கியமானது கொரியப் படங்கள். அதற்குக் காரணம் அவர்கள் எடுக்கும் படங்களின் தரமும் அதில் நடிக்கும் நடிகர்களும்தான்.
பளீச்சென்ற சருமம், பட்டுபோன்ற தலைமுடி மட்டுமல்ல அளவான உடலமைப்பிலும் கொரிய மக்கள் கவனம் ஈர்க்க கூடியவர்களாக இருக்கிறார்கள். இந்தியர்களைப் போலவே கொரியர்களும் பாரம்பரிய உணவு வகைகளை விரும்பி உண்ணக்கூடியவர்கள்.
கொரியர்கள் தங்கள் உணவு
மற்றும் அவர்கள் உண்ணும் உணவில் உள்ள சத்துக்களில் அதிக கவனம் செலுத்துகிறார்கள். ஆச்சரியம் என்னவென்றால், உடல் எடையை குறைக்க அல்லது ஆரோக்கியத்தை மேம்படுத்து வதற்கான திட்டமிட்ட உணவாக
இல்லாமல், அவர்களது அன்றாட
உணவின் அங்கமாகவே மாறியுள்ளது.
கொரியர்கள் தங்களது அன்றாட உணவில் கடல் மற்றும் இறைச்சி உணவு வகைகள், காய்கறிகள், புளிக்க வைக்கப்பட்ட உணவு வகைகள் ஆகியவற்றை சேர்த்துக்கொள்கின்றனர்.
உணவில் நிறைய காய்கறிகள்:
காய்கறிகளில் என்ன ஊட்டச்சத்துக்கள் உள்ளன? அதனைத் தினந்
தோறும் உணவில் எடுத்துக்கொள்
வதால் நமக்கு என்ன மாதிரியான நன்மைகள் கிடைக்கும் போன்றவற்றை நாம் அனைவரும் நன்கு அறிவோம். அதுபோல கொரியர்களும் தங்களது உணவில், முள்ளங்கி, மூங்கில் கிழங்கு, கிழங்கு வகைகள் போன்ற பலவகையான காய்கறிகளை அன்றாட உணவில் சேர்த்துக்கொள்கின்றனர்.
இதனால் காய்கறிகளில் இருந்து தேவையான ஊட்டச்சத்துகளை பெறுவதோடு, எடையையும் சீராக பராமரிக்கின்றனர். ஏனெனில் கூடுதலாக, நீங்கள் எவ்வளவு காய்கறிகளை சாப்பிடுகிறீர்களோ, அவ்வளவு ஆரோக்கியமாகவும் எடை குறைவாகவும் இருப்பீர்கள்.
புளிக்கவைப்பட்ட உணவு
வகைகளின் பலன்கள்:
புளிக்கவைக்கப்பட்ட உணவு வகைகள் கொரியர்களிடையே பிரபலமாக
உள்ளன. இது தற்பொழுது பலரிடமும் பிரபலமாகி வருகிறது. 'கிம்ச்சி'
கொரியாவில் மிகவும் பிரபலமான புளித்த உணவுகளில் ஒன்றாகும்.
'கிம்ச்சி' முட்டைகோஸ், முள்ளங்கி, பச்சை வெங்காயம், உப்பு, சர்க்கரை, இஞ்சி, பூண்டு மற்றும் மிளகாய் போன்ற பல்வேறு சுவையூட்டல்களுடன் தயாரிக்கப்படுகிறது. இதை எந்த உணவு
டனும் சேர்த்து உண்ணலாம். மேலும் இதில் குடலின் ஆரோக்கியத்தை மேம்
படுத்தும் புரோபயாடிக்கின் நன்மைகள் இருப்பதாக கூறப்படுகிறது.
கடல் உணவு வகைகள்:
கடல் உணவு வகைகள் புரதத்தின் ஆரோக்கியமான ஆதாரங்கள். இதில் குறைந்த அளவு கெட்ட கொழுப்பு உள்ளது. சால்மன், டியூனா மற்றும் மத்தி போன்ற சில மீன்களில் ஒமேகா - 3 கொழுப்பு அமிலங்கள் நிறைந்துள்ளன.
கடல் உணவு வகைகளைப் பொறுத்தவரை, அவை மிகவும் ஆரோக்கியமானவை மற்றும் எடை குறைப்புக்கு ஏற்றவை,
பெரும்பாலான கொரியர்கள் எடையைப் பராமரிக்க அவர்கள் தேர்வு செய்யும் கடல் உணவுகளும் ஒரு காரணமாக அமைகிறது.
பதப்படுத்தப்பட்ட மற்றும் இனிப்புகள் பல்வேறு நாடுகளில் பதப்படுத்தப்பட்ட உணவு வகைகளை உண்பதால் உடல் எடை அதிகரிக்க முக்கிய காரணமாக உள்ள நிலையில், கொரியர்கள் பதப்படுத்தப்பட்ட, துரித உணவு வகைகளைக் குறைவாக எடுத்துக்கொள்வதும்
சர்க்கரையால் செய்யப்பட்ட இனிப்பு மற்றும் பானங்களை தவிர்ப்பதும் அவர்களின் எடை கூடாமல் இருக்க முக்கியக் காரணங்களாகும்.
பெரும்பாலும் கொரியர்கள், வீட்டில்தயாரிக்கப்பட்ட உணவையே விரும்பி உண்கின்றனர்.
முட்டைகோஸ், முள்ளங்கி, பச்சை வெங்காயம், உப்பு, சர்க்கரை, இஞ்சி, பூண்டு மற்றும் மிளகாய் போன்ற பல்வேறு சுவையூட்டல்களுடன் தயாரிக்கப்படும் 'கிம்ச்சி'.