இறை நேசத்துடன் தியாகத் திருநாள் கொண்டாட்டம்

மாதங்கி இளங்­கோ­வன்

கொவிட்-19 நோய்ப் பர­வல் சூழ­லின் வீரி­யத்­தி­லி­ருந்து மீண்டு வந்த நிலை­யில் இன்­னும் கிரு­மித்­தொற்று தலை­தூக்­கும் தரு­ணத்­திலும் கட்­டுப்­பா­டு­கள் இருக்க, அதே நேரம் இயல்­பான கொண்­டாட்­ட­மாக தியா­கத் திரு­நா­ளான ஹஜ்ஜுப் பெரு­நாளை முஸ்­லிம்­கள் இன்று கொண்­டா­டு­கின்­ற­னர்.

இன்று பெரு­நாள் தொழு­கைக்­காக ஒரே நேரத்­தில் ஏறக்­கு­றைய 1,000 பேர் ஒன்­று­கூ­டு­வர் என எதிர்­பார்க்­கிறது டன்­லப் ஸ்தி­ரீட்­டில் அமைந்­துள்ள அப்­துல் கஃபூர் பள்ளி­வா­சல்.

தொழு­கை­யில் கலந்­து­கொள்ள முன்­கூட்­டியே பதி­வு­செய்­த­வர்­க­ளுக்­கான முத­லா­வது வேளை தொழுகை காலை 7.30 மணிக்­கும் இரண்­டா­வது தொழுகை காலை 8.45 மணிக்­கும் தொடங்­கு­கிறது. தேர்ந்­தெ­டுக்­கப்­பட்ட சில பள்­ளி­வா­சல்­களில் காலை 10 மணிக்கு தொடங்­கும் மூன்­றா­வது வேளை தொழு­கை­யில் பங்­கு­பெற பதிவு செய்ய வேண்டி­ய­தில்லை. இவ்­வாண்டு ஹஜ்­ஜுப் பெரு­நாள் தொழு­கைக்­காக 66 பள்­ளி­வா­சல்­களில் 215,000க்கும் அதி­க­மான தொழுகை இடங்­கள் வழங்­கப்­ப­டு­கின்­றன.

ஹஜ்­ஜுப் பெரு­நாளை முன்­னிட்டு நேற்று அப்­துல் கஃபூர் பள்ளி­வா­ச­லில் இஷா தொழு­கைக்குப் பிறகு திக்ர் மற்­றும் துஆ மஜ்லிஸ் நிகழ்வு நடை­பெற்­றது. இறை­வ­னி­டம் துஆ கேட்­ட­தோடு புனித குர்­ஆன் வச­னங்­க­ளை­யும் முஸ்­லிம்­கள் ஓதி­னர்.

"முஸ்­லிம்­கள் ஒன்­று­கூ­டும் இந்நன்­னாள் கொண்­டாட்ட உணர்வை மட்­டு­மின்றி தியா­கங்­களை நினை­வு­கூ­ரும் நாளா­க­வும் அமை­கிறது. காலங்­கா­ல­மாக குர்பான் சடங்கு நடை­பெற்­றா­லும் இவ்வாண்டு தவிர்க்க முடி­யாத கார­ணங்­க­ளால் அச்­ச­டங்கு இல்­லா­மல் ஹஜ்­ஜுப் பெரு­நாளை சற்று மாறு­பட்ட விதத்­தில் கொண்­டா­டு­கி­றோம்," என்­றார் அப்­துல் கஃபூர் பள்­ளி­வா­ச­லின் மேலா­ள­ரான ஃபரீது மரைக்­கார், 42.

ஹஜ்­ஜுப் பெரு­நா­ளன்று தியா­கத்­தின் சின்­ன­மாக குர்­பான் சடங்கு இடம்­பெ­று­கிறது. சிங்­கப்­பூ­ரில் இவ்­வாண்டு குர்­பான் சடங்கு இடம்­பெ­றாது என்­ப­தால் ஆஸ்­தி­ரே­லி­யா­வில் இருந்து குர்­பான் இறைச்­சிக்கு ஒரு வார­மா­வது காத்தி­ருக்க வேண்­டும் என்று திரு ஃபரீது கூறினார்.

குர்­பான் சடங்கை மேற்­கொண்ட பல குடும்­பங்­கள் தங்­க­ளுக்­குக் கிடைக்­கும் ஆட்­டி­றைச்­சி­யின் ஒரு பங்கை மற்­ற­வர்­க­ளுக்கு தரும் வழக்­கம் உண்டு. அவர்­கள் வழங்­கும் ஆட்­டி­றைச்சி பள்­ளி­வா­ச­லால் தேர்ந்­தெ­டுக்­கப்­பட்ட ஏழை எளி­ய­வர்­க­ளுக்­குக் கொடுக்­கப்­படும்.

தியா­கத் திரு­நாள் என்று அழைக்­கப்­படும் ஹஜ்­ஜுப் பெரு­நாள் இப்­ரா­ஹிம் நபி செய்த தியா­கங்­களை நினை­வு­ப­டுத்­தும் விதத்­தில் அமை­கிறது. இப்­ரா­ஹிம் நபி­யி­டம் அவர்­க­ளு­டைய அன்பு மக­னான இஸ்­மா­யில் நபியை பலி கொடுக்க அல்­லாஹ் கட்­ட­ளை­யிட்­ட­தாக புனித குர்­ஆ­னில் கூறப்­படு­கிறது.

அதற்கு இணங்கி தம் மகனை பலி கொடுக்­கப்­போ­கும் தறுவா­யில் இப்­ரா­ஹிம் நபி­யின் பரந்த மனத்­தைக் கண்ட அல்­லாஹ், ஆட்­டைப் பலி கொடுத்­தால் போதும் என்று கூறி­னான். எனவே, இப்­ரா­ஹிம் நபி­யின் தியாக உள்­ளத்தை என்­றென்­றும் மறக்­கா­ம­லி­ருக்க இந்த நாள் முஸ்­லிம்­க­ளுக்கு ஒரு முக்­கிய திரு­நா­ளாக கொண்­டா­டப்­படு­கிறது.

இஸ்­லா­மிய சம­யத்­தின் ஐந்து தூண்­களில் ஐந்­தாம் தூணான ஹஜ்­ஜைப் பூர்த்­தி­செய்ய புனித மக்­கா­வில் ஹஜ் யாத்­தி­ரையை முஸ்­லிம்­கள் வாழ்­நா­ளில் ஒரு­முறை­யா­வது மேற்­கொள்­கின்­ற­னர். இந்த யாத்­தி­ரை­யின் நிறைவைக் குறிக்கிறது ஹஜ்­ஜுப் பெரு­நாள்.

ஈராண்டு­களுக்குப் பின்­னர் ஹஜ் யாத்­தி­ரையை மேற்­கொள்ள சிங்­கப்­பூ­ரி­லி­ருந்து குறிப்­பிட்ட எண்­ணிக்­கை­யில் யாத்­தி­ரி­கர்­கள் சவூதி அரே­பி­யா­வுக்­குச் சென்­றுள்­ள­னர்.

சிங்­கப்­பூ­ரில் கொவிட்-19 கட்டுப்­பா­டு­கள் தளர்த்­தப்­பட்ட பிறகு இன்று ஹஜ்­ஜுப் பெரு­நாளை முன்னிட்டு முஸ்­லிம்­கள் திர­ளாக பள்ளி­வா­சல்­களில் தொழுகை மேற்­கொள்­ள­வும் குடும்­பங்­க­ளோ­டும் நண்­பர்­க­ளோ­டும் சேர்ந்து கொண்­டா­டு­வ­தற்­கும் வாய்ப்பு அமைந்­து உள்­ளது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!