மாணவர் முரசு
இ-பேப்பர்
உலகப் பொருளியல் மாநாட்டு அமைப்பு உலகளாவிய பாலின சமத்துவம் பற்றி வெளியிட்ட இவ்வாண்டு அறிக்கையில் சிங்கப்பூர் 49வது இடத்தைப் பெற்றுள்ளது.
சிங்கப்பூர் பாலின சமத்துவத்தில் 73.4 மதிப்பெண்கள் பெற்றதாக அறிக்கை குறிப்பிட்டது.
பொருளியல் பங்கேற்பும் வாய்ப்பும், கல்வித் தகுதி, சுகாதாரமும் உயிர்வாழ்தலும், அரசியல் தன்னதிகாரம் ஆகிய நான்கு அம்சங்களில் 146 பொருளியல்கள் மதிப்பிடப்பட்டன.
முதல் மூன்று இடங்களை ஸ்காண்டினேவிய நாடுகளான ஐஸ்லாந்து, பின்லாந்து, நார்வே முறையே பெற்றுள்ளன.
நான்காவது இடத்தில் நியூசிலாந்தும் ஐந்தாவது இடத்தில் சுவீடனும் வந்துள்ளன. பலரும் எதிர்பார்க்காத ஆப்பிரிக்க நாடான ருவாண்டா ஆறாவது இடத்தைப் பிடித்தது.
இந்தியா 62.9 மதிப்பெண்கள் பெற்று 135ஆம் இடத்தில் உள்ளது.