மாணவர் முரசு
இ-பேப்பர்
சிங்கப்பூரின் இவ்வாண்டுக்கான சிறந்த உணவகங்களின் பட்டியலை மிஷலின் நிறுவனம் வெளியிட்டிருக்கிறது.
தெற்காசிய வம்சாவளியினர் நடத்தும் இரண்டு உணவகங்களுக்கு இரண்டு மிஷலின் நட்சத்திரங்கள் வழங்கப்பட்டுள்ளன. கிளவுட்ஸ்த்ரீட், தேவர் ஆகியவையே அந்த உணவகங்கள்.
சிங்கப்பூரின் சிறந்த உணவகங்களை ஒவ்வோர் ஆண்டும் நட்சத்திரப்படி தரவரிசைப்படுத்தி அங்கீகரித்து வருகிறது.
கொவிட்-19 பரவலால் இரண்டு ஆண்டுகள் நேரடியாக நடத்தப்படாத விருது நிகழ்ச்சி நேற்றுமுன்தினம் மரீனா பே சாண்ட்சில் நடைபெற்றது. ஏழு புதிய உணவகங் களுக்கு ஒரு மிஷலின் நட்சத்திரம் வழங்கப்பட்டது.
புதிதாக இரண்டு நட்சத்திர அங்கீகாரம் பெற்ற இரண்டு உணவகங்களில் ஒன்றான கிளவுட்ஸ்த்ரீட்டை, இலங்கை வம்சாவளியைச் சேரந்த ரிஷி நளேந்திராவுக்குச் சொந்தமானது. சிங்கப்பூரரான மனோ தேவர் நடத்தும் நவீன இந்திய உணவகத்துக்கும் இரண்டு நட்சத்திர அங்கீகாரம் கிடைத்தது.
இரண்டு உணவகவங்களும் முந்தைய ஆண்டுகளில் ஒரு மிஷலின் நட்சத்திர அங்கீகாரத்தைப் பெற்றிருந்தன. லேஸ் அமி, ஒடெட், ஸென் ஆகியவை மூன்று நட்சத்திரங்களைப் பெற்றன.